Atthakatha Book 37 : PALI ROMAN
Ja.A.3 dukanipatavannan

Pajanamatthanti ariyoti cattaro ariya acaraariyo lingaariyo
dassanaariyo pativedhaariyoti. Tesu acaraariyo idha adhippeto.
So pajanamattham attham jananto atthanatthakusalo acare thito
ariyapuggalo anariyena nillajjena dussilena saddhim tanhasanthavam
va mittasanthavam va na kareyyati attho. Kimkarana.
Ciranuvutthopi karoti papanti yasma anariyo ciram ekato anuvutthopi
tam ekato nivasam aganetva karoti papam papakam kammam karoti
yeva. Yatha kim. Gajo yatha indasamanagottanti yatha so
gajo indasamanagottam marento papam akasiti attho. Yadeva
panna sadiso mamanti adisu yadeva puggalam ayam mama siladihi
sadisoti janeyya teneva saddhim mettim kayiratha, sappurisena saddhim
samagamo sukho va hotiti.
     Evam bodhisatto anovadakena nama na bhavitabbam, susikkhitena
bhavitum vattatiti isiganam ovaditva indasamanagottassa sarirakiccam
karetva brahmavihare bhavetva brahmalokupago ahosi.
     Sattha imam dhammadesanam aharitva jatakam samodhanesi.
Tada indasamanagotto ayam dubbaco bhikkhu ahosi, ganasattha
pana ahamevati.
                 Indasamanagottajatakam pathamam.
                    ---------------


             The Pali Atthakatha in Roman Book 37 page 55.
http://84000.org/tipitaka/atthapali/read_rm.php?B=37&A=1089&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=37&A=1089&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=27&i=171
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1125
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1107
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1107
             Contents of The Tipitaka Volume 27
http://84000.org/tipitaka/read/?index_27