|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
312. 6. Khujjasobhitattheragathavannana
ye cittakathi bahussutati ayasmato khujjasobhitattherassa gatha. Ka
uppatti?
@Footnote: 1 cha.Ma. panudissami 2 i. vadalikadina 3 Si. pariyante 4 i. atidivasayam gahaneneva
@5 Si.,Ma. ayam patho na dissati 6 Si. bhikkhuno 7 di.pati. 11/334/224
@ sangitisutta, an.atthaka. 23/186(96)/345 kusitarambhavatthusutta (sya)
Ayam kira padumuttarassa bhagavato kale kulagehe nibbattitva vinnutam patto
ekadivasam bhagavantam mahata bhikkhusamghena saddhim gacchantam disva pasannamanaso dasahi
gathahi abhitthavi. So tena punnakammena devamanussesu samsaranto imasmim buddhuppade
pataliputtanagare brahmanakule nibbatti, "sobhito"tissa namam ahosi. Thokam khujja-
dhatukataya pana khujjasobhitotveva pannayittha. So vayappatto satthari parinibbute
anandattherassa santike pabbajitva chalabhinno ahosi. Tena vuttam apadane 1- :-
"kakudham vilasantamva devadevam narasabham
rathiyam patipajjantam ko disva nappasidati.
Tamandhakaram 2- nasetva santaretva bahum janam
nanalokena jotantam ko disva nappasidati.
Vasisatasahassehi niyyantam lokanayakam
uddharantam bahu satte ko disva nappasidati.
Ahanantam 3- dhammabherim maddantam titthiye gane
sihanadamva nadantam 4- ko disva nappasidati.
Yavata brahmalokamha 5- agantvana sabrahmaka
pucchanti nipune panhe ko disva nappasidati.
Yassanjalim karitvana adhavanti 6- sadevaka
tena punnam anubhonti ko disva nappasidati.
Sabbe jana samagantva sampavarenti cakkhumam
na vikampati ajjhittho ko disva nappasidati.
Nagaram pavisato yassa nadanti 7- bheriyo bahu
@Footnote: 1 khu.apa. 33/59/83 sayampatibhaniyattherapadana (sya) 2 Si. tamandhakare
@3 pali. ahanitva 4 cha.Ma. sihanadam vinadantam 5 cha.Ma. brahmalokato
@6 cha.Ma. ayacanti 7 cha.Ma. ravanti
Vinadanti gaja matta ko disva nappasidati.
Vithiya gacchato yassa sabbabha 1- jotate sada
abbhunnata sama honti ko disva nappasidati.
Byaharantassa buddhassa cakkavalamhi suyyati
sabbe satte vinnapeti ko disva nappasidati.
Satasahasse ito 2- kappe yam buddhamabhikittayim
duggatim nabhijanami kittanaya idam phalam.
Kilesa jhapita mayham .pe. katam buddhassa sasanan"ti.
Chalabhinno pana hutva pathamamahasangitikale rajagahe sattapannaguhayam 3- sannipatitena
samghena "ayasmantam anandam amantehi"ti 4- anatto pathaviyam nimujjitva
therassa purato utthahitva samghassa sasanam arocetva sayam puretaram akasena
gantva sattapannaguhadvaram sampapuni. Tena ca samayena marassa marakayikananca
patisedhanattham devasanghena pesita annatara devata sattapannaguhadvare thita
hoti, tassa khujjasobhito thero 5- attano agamanam kathento:-
[234] "ye cittakathi bahussuta
samana pataliputtavasino
tesannataroyamayuva
dvare titthati khujjasobhito"ti
pathamam gathamaha.
Tattha cittakathiti vicittadhammakathika, sankhipanam vittharanam 6- gambhirakaranam
uttanikaranam kankhavinodanam dhammapatitthapananti evamadihi nananayehi paresam
@Footnote: 1 pali. pabha va 2 cha.Ma. satasahassito 3 cha.Ma. sattapanniguhayam
@4 i. anehiti 5 Si. khujjasobhitatthero 6 Si. vittharakaranam
Ajjhasayanurupam dhammassa kathanasilati attho. Bahussutati pariyattipativedhabahusacca-
paripuriya bahussuta. Sabbaso samitapapataya samana. Pataliputtavasino, tesannataroti
pataliputtanagaravasitaya pataliputtavasino, tesam annataro, ayam ayuva dighayu
ayasma. Dvare titthatiti sattapannaguhaya dvare titthati, samghassa anumatiya
pavisitunti attho. Tam sutva sa devata therassa agamanam samghassa nivedenti:-
[235] "ye cittakathi bahussuta
samana pataliputtavasino
tesannataroyamayuva
dvare titthati maluterito"ti
dutiyam gathamaha.
Tattha maluteritoti iddhicittajanitena vayuna erito, 1- iddhibalena agatoti
attho.
Evam taya devataya niveditena samghena katokaso thero samghassa santikam
gacchanto:-
[236] "suyuddhena suyitthena sangamavijayena ca
brahmacariyanucinnena evayam sukhamedhati"ti
imaya tatiyagathaya annam byakasi.
Tattha suyuddhenati pubbabhage 2- tadangavikkhambhanappahanavasena kilesehi sutthu
yujjhanena. Suyitthenati antarantara kalyanamittehi dinnasappayadhammadanena.
Sangamavijayena cati samucchedappahanavasena sabbaso kilesabhisankharanimmathanena
@Footnote: 1 Si. vayuna ca irito, i. vayunava erito 2 Si.,i. pubbabhagena
Laddhasangamavijayena ca. Brahmacariyanucinnenati anucinnena aggamaggabrahmacariyena.
Evayam sukhamedhatiti evam vuttappakarena ayam khujjasobhito nibbanasukham phalasamapatti-
sukhanca edhati, 1- anubhavatiti attho.
Khujjasobhitattheragathavannana nitthita.
----------------
The Pali Atthakatha in Roman Book 32 page 540-544.
http://84000.org/tipitaka/atthapali/read_rm.php?B=32&A=12100&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=12100&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=26&i=312
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6095
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6216
The Pali Tipitaka in Roman Character :-
http://84000.org/tipitaka/read/roman_read.php?B=26&A=6216
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]