|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Sattigumbajatakam
migaluddo maharajati idam sattha maddakucchismim migadaye
viharanto devadattam arabbha kathesi.
Devadattena hi silaya paviddhaya bhagavato pade sakhalikaya
ghate balavavedana uppajjimsu. Tathagatassa dassanatthaya bahu
bhikkhu sannipatimsu. Atha bhagava parisam sannipatitam disva bhikkhave
idam senasanam atisambadham sannipato maha bhavissati manca
sivikaya maddakucchiyam nethati aha. Bhikkhu tatha karimsu. Jivako
tathagatassa padam phasukam akasi. Bhikkhu satthu santike nisinnava
katham samutthapesum avuso devadatto sayampi papo parisapissa
papa iti so papo papaparivarova viharatiti. Sattha kim
kathetha bhikkhaveti pucchitva imaya namati vutte na bhikkhave
idaneva pubbepi devadatto papova papaparivaroyevati vatva
atitam ahari.
Atite uttarapancalanagare pancalo nama raja rajjam
karesi. Tada mahasatto arannayatane ekasmim sanupabbate
simbalivane ekassa suvaranno putto hutva nibbatti dve
bhataro ahesum. Tassa pana pabbatassa uparivate coragamako
ahosi pancannam corasatanam nivaso adhovate assamo pancannam
Isisatanam nivaso. Tesam suvapotakanam pakkhanikkhamanakale vata-
mandalika udapadi. Taya pahato eko suvapotako coragame
coranam avudhantare patito. Tassa tattha patitatta sattigumbo-
tvevassa namam karimsu. Eko assame balukathale pupphantare
patito. Tassa tattha patitatta pupphakotvevassa namam karimsu.
Sattigumbo coranam antare vaddhito. Pupphako isinam antare
vaddhito. Athekadivasam raja sabbalankarapatimandito rathavaram
abhiruhitva mahantena parivarena migavadhaya nagarato avidure supupphita-
suphalitaramaniyam upavanam gantva yassa passena migo palato
tasseva givati vatva ratha oruyha paticchadetva dinne kotthake
dhanum adaya atthasi. Purisehi miganam utthapanatthaya vanagumbesu
pothiyamanesu eko enimigo utthaya gamanamaggam olokento
ranna thitatthanasseva vivittam disva tadabhimukho pakkhanditva
palayi. Amacca kassa passena migo palatoti pucchanta
ranno passenati natva ranna saddhim kelim karimsu. Raja
asmimanena tesam kelim asahanto idani tam migam ganhissamiti
ratham abhiruyha sigham pesehiti sarathim anapetva migena gatamaggam
patipajji. Ratham vegena gacchantam parisa anubandhitum nasakkhimsu.
Raja sarathidutiyo yava majjhantika gantva migam adisva nivat-
tanto tassa coragamakassa santike ramaniyam kandaram disva ratha
oruyha nahatva ca pivitva ca paccuttari. Athassa sarathi
Rathato uttarattharanam otaretva sayanampi rukkhacchayaya pannapesi.
So tattha nipajji. Sarathipi tassa pade sambahanto nisidi.
Raja antarantara niddayati ceva pabujjhati ca. Coragamavasino
corapi ranno arakkhanatthaya arannameva pavisimsu. Coragamake
sattigumbo ceva bhattarandhako patikolumbo nameko puriso cati
dveva ohiyimsu. Tasmim khane sattigumbo gamato nikkhamitva
rajanam disva imam niddayamanam maretva abharanani gahessamiti
cintetva patikolumbakassa santikam gantva tam karanam arocesi.
Tamattham pakasento sattha panca gatha abhasi
migaluddo maharaja pancalanam rathesabho
nikkhanto saha senaya ogano vanamagato.
Tatthaddasa arannasmim takkaranam kutikatam
tassa kutiya nikkhamma suvo luddani bhasati.
Sampannabahano poso yuva sammatthakundali
sobhati lohitunhiso diva suriyova bhasati.
Majjhantike sampatike sutto raja sasarathi
handassabharanam sabbam ganhama sahasa mayam.
Nissivepi rahodani sutto raja sasarathi
adaya vattham manikundalanca
hantvana sakhahi avattharamati.
Tattha migaluddoti migaluddo viya miganam gavesanato migaluddoti
Vutto. Oganoti gana ohino parihino hutva. Takkaranam
kutikatanti so raja tattha aranne coranam vasanatthaya katam
gamakam addasa. Tassati tato corakutito. Luddani bhasatiti
patikolumbena saddhim darunani vacanani kathesi. Sampannabahanoti
sampannaassabahano. Lohitunhisoti rattena unhisapatena samanna-
gato. Sampatiketi sampati idani evarupe thitamajjhantike
kaleti attho. Sahasati sahasena pasayhakaram katva ganhamati
vadati. Nissivepi rahodaniti nissivepi idani raho idam vadati
yatha nissive addharattikasamaye manussa kilanta sayanti raho
hoti idani evarupe thitamajjhantikepi kale tathevati. Hantva-
nati rajanam maretva vatthabharananissa gahetva atha nam pade
gahetva kaddhitva ekamante sakhahi paticchademati.
Iti so vegena sakim nikkhamitva sakim patikolumbassa santikam
gacchati. So tassa vacanam sutva nikkhamitva olokento rajabhavam
natva bhito gathamaha
kinnu ummattarupova sattigumba pabhasasi
durasada hi rajano aggi pajjalito yathati.
Atha nam suvo gathaya ajjhabhasi
atha tvam patikolumba matto thulani gajjasi
matara mayha naggaya kim nu tvam vijigucchaseti.
Tattha atha tvanti nanu tvam. Mattoti coranam ucchitthasuram
Labhitva taya matto hutva pubbe mahagajjitani tajjasi.
Matarati corajetthakassa bhariyam sandhayaha. Sa kira tada sakhabhangam
nivasetva carati. Vijigucchaseti mama matari naggaya kim nu tvam
idani corakammam jigucchasi katum na icchasiti.
Raja pabujjhitva tassa tena saddhim manussabhasaya kathentassa
vacanam sutva sappatibhayam idam thananti sarathim utthapento gathamaha
utthehi samma taramano ratham yojehi sarathi
sakuno me na ruccati annam gacchama assamanti.
Sopi sigham utthahitva ratham yojetva gathamaha
yutto ratho maharaja yutto ca balavahano
adhitittha maharaja annam gacchama assamanti.
Tattha balavahanoti balavavahano mahathamaassasampannoti attho.
Adhititthati abhiruha.
Abhirulhamatteyeva tasmim sindhava vatavegena pakkhandimsu.
Sattigumbo ratham gacchantam disva sambhamappatto dve gatha abhasi
konumeva gata sabbe ye asmim paricaraka
esa gacchati pancalo mutto tesam adassana.
Kodandakani ganhatha sattiyo tomarani ca
esa gacchati pancalo ma vo muncittha jivitanti.
Tattha konumeti kuhim nu ime. Asminti imasmim assame.
Paricarakati cora. Adassanati etesam coranam adassanena mutto.
Esa gacchatiti etesam hatthato mutto hutva esa adassanam
gacchatiti attho. Kodandakaniti dhanu. Jivitanti tumhakam
jivantanam ma muncittha avudhahattha dhavitva ganhatha nanti.
Evam tassa viravitva aparaparam vidhavantasseva raja isinam
assamam patto. Tasmim khane isayo phalaphalatthaya gata. Eko
pupphakasuvova assamapade hoti. So rajanam disva paccuggamanam
katva patisantharamakasi.
Tamattham pakasento sattha catasso gatha abhasi
athaparo patinandittha suvo lohitatundako
svagatante maharaja atho te aduragatam
issarosi anuppatto yam idhatthi pavedaya.
Tindukani piyalani madhuke kasamariyo
phalani khuddakappani bhunja raja varam varam.
Idampi paniyam sitam abhatam girigabbhara
tato piva maharaja sace tvam abhikankhasi.
Arannam unchaya gata ye asmim paricaraka
sayam utthaya ganhavho hattha me natthi dataveti.
Tattha patinanditthati rajanam disvava tussi. Lohitatundakoti
rattatundako sobhaggappatto. Madhuketi madhukaphalani.
Kasamariyoti evamnamakani phalani karaphalani va. Tato pivati
Tato paniyamalakato gahetva paniyam piva. Ye asmim paricarakati
maharaja ye imasmim assame vicaranaka isayo te arannam
unchaya gata. Ganhavhoti phalaphalani ganhatha. Dataveti datum.
Raja tassa patisanthare pasiditva thutim karonto gathadvayamaha
bhaddako vatayam pakkhi dijo paramadhammiko
atheso itaro pakkhi suvo luddani bhasati.
Etam hanatha bandhatha ma vo muncittha jivitam
iccevam vilapantassa sotthi pattosmi assamanti.
Tattha itaroti corakutiyam suvako. Iccevanti aham pana tassa
evam vilapantassa imam assamam sotthina pattoti.
Ranno katham sutva pupphako dve gatha abhasi
bhatarosma maharaja sodariya ekamatuka
ekarukkhasmim samvaddha nanakhettam gata ubho.
Sattigumbo ca coranam ahanca isinam idha
asatam so satam aham tena dhammena no vinati.
Tattha bhatarosmati maharaja so cahanca ubho bhataro
homa. Corananti so coranam santike samvaddho aham isinam
santike. Asatam so satam ahanti so asadhunam dussilanam santikam
upagato aham sadhunam silavantanam tena dhammena no vinati
maharaja tanca sattigumbam cora coradhammena ceva corakiriyaya ca
vinesum mam isayo isidhammena isisilacarena tasma sopi tena
Coradhammena no vina hoti aham hi isidhammena no vina homiti.
Idani tam dhammam vibhajento gathadvayamaha
yattha vadho ca bandho ca nikati vancanani ca
alopa sahasakara tani so tattha sikkhati.
Idha saccanca dhammo ca ahimsa samyamo damo
asanudakadayinam anke vaddhosmi bharatati.
Tattha nikatiti patirupakena vancanani. Vancananiti ujukavancananeva.
Alopati diva gamaghata. Sahasakarati geham
pavisitva maranena tajjetva sahasikakammakaranani ca. Saccanti
sabhavo. Dhammoti sucaritadhammo. Ahimsati mettapubbabhago.
Samyamoti silasamyamo. Damoti indriyadamanam. Asanudakadayinanti
abbhagatanam jananam asananca udakadananca danasilanam. Bharatati
rajanam alapati.
Idani ranno dhammam desento ima gatha abhasi
yam yam hi raja bhajati santam va yadi va asam
silavantam visilam va vasam tasseva gacchati.
Yadisam kurute mittam yadisancupasevati
sopi tadisako hoti sahavaso hi tadiso.
Sevamano sevamanam samphuttho samphusam param
saro duttho kalapamva alittamupalimpati.
Upalimpabhaya dhiro neva papasakha siya
Putimaccham kusaggena yo naro upanayhati
kusapi puti vayanti evam balupasevana.
Tagaranca palasena yo naro upanayhati
pattapi surabhi vayanti evam dhirupasevana.
Tasma pattaputasseva natva sampakamattano
asantenupaseveyya sante seveyya pandito
asanto nirayam nenti santo papenti suggatinti.
Tattha santam va yadi va asanti sappurisam va asappurisam
va. Sevamano sevamananti sevamano acariyo sevamanam
antevasikam. Samphutthoti antevasina samphuttho acariyo. Samphusam
paranti param acariyam phusanto antevasi. Alittanti tam antevasikam
papadhammena alittam so acariyo visaduttho saro sesam sarakalapam
viya limpati. Evam balupasevanati balupasevi hi putimaccham
upanayhanakusaggam viya hoti papakammam akarontopi avannam akittim
labhati. Dhirupasevanati dhirupasevi puggalo tagaradigandhajatipalivethanapattam
viya hoti pandito bhavitum asakkontopi kalyanamittaseviti
gunakittim labhati. Pattaputassevati duggandhasugandhapalivethanapannasseva.
Sampakamattanoti kalyanamittasamsaggavasena attano
paripakam paripakananabhavam natvati attho. Papenti suggatinti
santo sammaditthika attanam nissite satte saggameva papentiti
desanam yathanusandhimeva papesi.
Raja tassa dhammakathaya pasidati. Isiganopi agato.
Raja isayo vanditva bhante mam anukampamana mama vasanatthane
vasathati vatva tesam patinnam gahetva nagaram gantva suvanam abhayam
adasi. Isayopi tattha agamamsu. Raja isiganam uyyane
vasapento yavajivam upatthahitva saggapuram puresi. Athassa puttopi
chattam ussapetva isiganam patijaggiyeva. Tasmim kulaparivatte
satta rajano isiganassa danam pavattayimsu. Mahasatto aranneyeva
vasanto yathakammam gato.
Sattha imam dhammadesanam aharitva evam bhikkhave pubbepi
devadatto papo papaparivaroyevati vatva jatakam samodhanesi
tada sattigumbo devadatto ahosi cora devadattaparisa raja
anando isigana buddhaparisa pupphakasuvo pana ahamevati.
Sattigumbajatakam nitthitam.
Sattamam.
----------
The Pali Atthakatha in Roman Book 41 page 77-86.
http://84000.org/tipitaka/atthapali/read_rm.php?B=41&A=1568&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=41&A=1568&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=2142
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=8466
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=8936
The Pali Tipitaka in Roman Character :-
http://84000.org/tipitaka/read/roman_read.php?B=27&A=8936
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]