Atthakatha Book 16 : PALI ROMAN
An.A. (manoratha.3)

Vikkhambhananissaranam tadanganissaranam samucchedanissarananti. Tattha asubhe pathamajjhanam
vikkhambhananissaranam nama, vipassana tadanganissaranam nama, arahattamaggo
samucchedanissaranam nama. Tam tividhampi nappajanatiti attho. Attatthampitiadisu
arahattasankhato attano attho attattho nama, paccayadayakanam attho parattho
nama, sveva duvidhopi ubhayattho nama, imina nayena sabbavaresu attho veditabbo.
     Ayam pana viseso:- byapadassa nissaranantiadisu hi dve nissaranani
vikkhambhananissarananca samucchedanissarananca. Tattha byapadassa tava mettaya
pathamajjhanam vikkhambhananissaranam nama, anagamimaggo samucchedanissaranam, thinamiddhassa
alokasanna vikkhambhananissaranam, arahattamaggo samucchedanissaranam. Uddhacca-
kukkuccassa yo koci samatho vikkhambhananissaranam, uddhaccassa panettha arahattamaggo,
kukkuccassa anagamimaggo samucchedanissaranam. Vicikicchaya dhammavavatthanam
vikkhambhananissaranam, pathamamaggo samucchedanissaranam.
     Ya panettha seyyathapi brahmana udapatto samsattho lakhaya vatiadika
upama vutta, tasu udapattoti udakabharita pati. Samsatthoti vannabhedakaranavasena
samsattho. Ukkutthitoti kutthito. 1- Ussadakajatoti usumajato. 2-
Sevalapanakapariyonaddhoti tilabijakadibhedena sevalena va nilamandukapitthivannena va
udakapitthim chadetva nibbattena panakena pariyonaddho. Vateritoti vatena pharito 3-
kampito. Aviloti appasanno. Lulitoti asannisinno. Kalalibhutoti kaddamabhuto. 4-
Andhakare nikkhittoti kotthakantaradibhede analokatthane thapito. Imasmim sutte
bhagava tihi bhavehi desanam nivattetva  5- arahattanikutena nitthapeti, 6- brahmano pana
saranamatte patitthitoti.
@Footnote: 1 Si. ukkatthitoti kathito, cha.Ma. ukkudhito kudhito  2 cha.Ma. usumakajato
@3 cha.Ma. erito  4 cha.Ma. kaddamibhuto  5 Si.,Ma. nibbattetva  6 cha.Ma. nitthapesi


             The Pali Atthakatha in Roman Book 16 page 74.
http://84000.org/tipitaka/atthapali/read_rm.php?B=16&A=1647&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=1647&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=193
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=5377
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=5429
             The Pali Tipitaka in Roman Character :-
http://84000.org/tipitaka/read/roman_read.php?B=22&A=5429
             Contents of The Tipitaka Volume 22
http://84000.org/tipitaka/read/?index_22