Atthakatha Book 3 : PALI ROMAN
Vinaya.A. (samanta.3)

     {109} Dahare dahareti tarune tarune. Moligalleti thulasarire.
Hatthibhande assabhandeti hatthigopake ca assagopake ca. Pandako
bhikkhaveti ettha asittapandako usuyyapandako opakkamiyapandako
pakkhapandako napumsakapandakoti panca pandaka. Tattha yassa paresam
angajatam mukhena gahetva asucina asittassa parilaho vupasammati
ayam asittapandako. Yassa pana paresam ajjhacaram passato
usuyyaya uppannaya parilaho vupasammati ayam usuyyapandako.
Yassa upakkamena bijani apanitani ayam opakkamiyapandako.
Ekacco pana akusalavipakanubhavena kalapakkhe pandako hoti
junhapakkhe panassa parilaho vupasammati ayam pakkhapandako.
Yo pana patisandhiyamyeva abhavako uppanno ayam napumsakapandako.
Tesu asittapandakassa ca usuyyapandakassa ca pabbajja na
varita itaresam tinnam varita. Tesupi pakkhapandakassa
yasmim pakkhe pandako hoti tasmimyevassa pakkhe pabbajja
varitati kurundiyam vuttam. Yassa cettha pabbajja varita tam
sandhaya idam vuttam anupasampanno nasetabboti. Sopi linga-
nasaneneva nasetabbo. Ito param nasetabboti vuttepi eseva
nayo.


             The Pali Atthakatha in Roman Book 3 page 87-88.
http://84000.org/tipitaka/atthapali/read_rm.php?B=3&A=1819&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=3&A=1819&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=4&i=125
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=3481
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=3562
             The Pali Tipitaka in Roman Character :-
http://84000.org/tipitaka/read/roman_read.php?B=4&A=3562
             Contents of The Tipitaka Volume 4
http://84000.org/tipitaka/read/?index_4