AtthaPali Vol.39

Vattakajatakam panitanti idam sattha jetavane viharanto ekam lolabhikkhum arabbha kathesi. Tam sattha saccam kira tvam loloti pucchitva ama bhanteti vutte na kho bhikkhu idaneva pubbepi tvam loloyeva lolatayeva ca pana baranasiyam hatthigavassapurisakunapehi atitto uttaritaram labhissamiti arannam pavitthositi vatva atitam ahari atite baranasiyam brahmadatte rajjam karente bodhisatto vattakayoniyam nibbattitva aranne lukhatinavijaharo vasi. Tada baranasiyam eko lolakako hatthikunapadihi atitto ito uttaritaram labhissamiti arannam pavisitva phalaphalani khadanto bodhisattam disva ayam vattako ativiya thulasariro madhuragocaram khadati manne etassa gocaram pucchitva tam khaditva aham thulo bhavissamiti cintetva bodhisattassa uparibhage sakhaya niliyitva bodhisattam pucchati bho vattaka kim nama panitaharam bhunjasi thulasariro ahositi. Bodhisatto tena pucchito tena saddhim patisantharam karonto pathamam gathamaha panitam bhunjase bhattam sappitelanca matula atha kena nu vannena kiso tvamasi vayasati. Tattha bhattanti manussanam bhojiyamanapatiyaditabhattam. Matulati tam piyasamudacarenalapati. Kisoti appamamsalohito. Tassa vacanam sutva kako tisso gatha abhasi amittamajjhe vasato tesu amisamesato niccam ubbiggahadayassa kuto kakassa dalhiyam. Niccam ubbiggino kaka dhanko papena kammuna laddho pindo na pineti kiso tenasmi vattaka. Lukhani tinavijani appasnehani bhunjasi atha kena nu vannena thulo tvamasi vattakati. Tattha dalhiyanti evarupassa mayham kakassa kuto dalhibhavo. Kuto thulanti attho. Ubbigginoti ubbeggavanto. Dhankoti kakanameva namam. Papena kammuna laddhoti kakena parasantakavilumpana- sankhatena papakammena laddho pindo. Na pinetiti na tappeti. Tenasmiti tena karanenaham kiso asmi. Appasnehaniti mandaojani. Idam kako bodhisattam panitagocaram khadatiti sanni hutvapi vattakanam pakatigocaram pucchanto aha. Tam sutva bodhisatto attano thulabhavakaranam kathento ima gatha abhasi appiccha appacintaya aviduragamena ca laddhaladdhena yapento thulo tenasmi vayasa. Appicchassa hi posassa appacintisukhassa ca susangahitappamanassa vutti susamudaniyati. Tattha appicchati aharesu appicchataya nittanhataya kevalam sarirayapanavasena va aharatthayati attho. Appacintayati ajja aham aharam labhissami sve kahanti evam aharacintaya abhavena. Aviduragamena cati asukasmim nama thane madhuram labhissamiti cintetva avidure gamanena ca. Laddhaladdhenati lukham va hotu panitam va yam laddham teneva. Thulo tenasmiti tena catubbidhena karanena thulosmi. Vayasati kakam alapati. Appacintiti ahare aticinta- rahitanam appacintinam ariyanam sukham assa atthiti appacintisukho tassa tadisena sukhena samannagatassa. Susangahitappamanassati ettakam kalam bhunjitva jirapetum sakkhissamiti evam sutthu sangahitaharap- pamanassa. Vutti susamudaniyati evarupassa puggalassa jivitavutti sukhena sakka samudanetum susamvattaniyava nibbattiyati. Sattha imam dhammadesanam aharitva saccani pakasetva jatakam samodhanesi saccapariyosane lolabhikkhu sotapattiphale patitthahi. Tada kako lolabhikkhu ahosi vattako pana ahamevati. Vattakajatakam navamam.

The Pali Atthakatha in Roman Book 39 page 112-114. http://84000.org/tipitaka/atthapali/read_rm.php?B=39&A=2224&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=2224&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=957 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4231 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4237 The Pali Tipitaka in Roman Character :- http://84000.org/tipitaka/read/roman_read.php?B=27&A=4237 Contents of The Tipitaka Volume 27 http://84000.org/tipitaka/read/?index_27