AtthaPali Vol.50

109. 7. Nalamaliyattherapadanavannana padumuttarabuddhassatiadikam ayasmato nalamaliyattherassa apadanam. Esopi purimajinavaresu katadhikaro anekasu jatisu vivattupanissayani punnani upacinanto padumuttarassa bhagavato kale kulagehe nipphattim vuddhimanvaya gharavasam santhapetva kame adinavam disva geham pahaya tapasapabbajjam pabbajitva himavante vasanto tatthagatam bhagavantam disva pasanno vanditva tinasantharam santharitva tattha nisinnassa bhagavato nalamalehi vijanim katva vijetva adasi. Patiggahesi bhagava tassanukampaya, anumodananca akasi. So tena punnena devamanussesu samsaranto uppannuppannabhave parilahasantapavivajjito kayacittacetasikasukhasampatto anekasukham anubhavitva imasmim buddhuppade ekasmim kulagehe nibbatto vuddhimanvaya pubbavasanabalena satthari pasanno pabbajitva nacirasseva araha ahosi. [36] So aparabhage attano pubbakammam saritva somanassajato pubbacaritapadanam pakasento padumuttarabuddhassatiadimaha. Tam hettha vuttameva. [37] Nalamalam gahetvanati nalati asaro nissaro hutva veluvamsatopi tanuko sallahuko jatoti nalo, nalassa mala puppham nalamalam, tena @Footnote: ¹ i. sancayehi. Nalamalena vijanim karesinti sambandho. Vijissati janissati ^1- vato anenati vijani, tam vijanim buddhassa upanamesim, patiggahesinti attho. Sesam sabbattha uttanamevati. Nalamaliyattherapadanavannana nitthita. Sattamabhanavaravannana nitthita. -----------

The Pali Atthakatha in Roman Book 50 page 151-152. http://84000.org/tipitaka/atthapali/read_rm.php?B=50&A=3273&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3273&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=109 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3388 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4181 The Pali Tipitaka in Roman Character :- http://84000.org/tipitaka/read/roman_read.php?B=32&A=4181 Contents of The Tipitaka Volume 32 http://84000.org/tipitaka/read/?index_32