AtthaPali Vol.34

452. 2. Vasitthitherigathavannana puttasokenaham attatiadika vasitthiya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti anukkamena sambhatavimokkhasambhara devamanussesu samsaranti imasmim buddhuppade vesaliyam kulagehe nibbattitva vayappatta matapituhi samanajatikassa kulaputtassa dinna patikulam gantva tena saddhim sukhasamvasam vasanti ekam puttam labhitva tasmim adhavitva paridhavitva vicaranakale kalam kate putte ^1- puttasokena attita ummattika ahosi. Sa natakesu samike ca tikiccham karontesu tesam ajanantanamyeva palayitva yato tato paribbhamanti mithilanagaram sampatta tatthaddasa bhagavantam antaravithiyam gacchantam dantam guttam samyatindriyam ^2- nagam. Disvana saha dassanena buddhanubhavato apagataummada pakaticittam patilabhi. Athassa sattha sankhittena dhammam desesi. Sa tam dhammam sutva patiladdhasamvega sattharam pabbajjam yacitva satthu anaya bhikkhunisu pabbajitva katapubbakicca vipassanam patthapetva ghatenti vayamanti paripakkananataya nacirasseva saha patisambhidahi arahattam patva attano patipattim paccavekkhitva udanavasena:- [133] "puttasokenaham atta khittacitta visannini nagga pakinnakesi ca tena tena vicariham. [134] Vithisankarakutesu susane rathiyasu ca acarim tini vassani khuppipasa samappita. [135] Athaddasami ^3- sugatam nagaram mithilam gatam ^4- adantanam dametaram sambuddham akutobhayam. @Footnote: ¹ cha.Ma. ayam patho na dissati ² Si. santindriyam ³ cha.Ma. athaddasasim ⁴ cha.Ma. pati [136] Sacittam patiladdhana vanditvana upavisim so me dhammamadesesi anukampaya gotamo. [137] Tassa dhammam sunitvana pabbajim anagariyam yunjanti satthuvacane sacchakasim padam sivam. [138] Sabbe soka samucchinna pahina etadantika parinnata hi me vatthu yato sokana sambhavo"ti ima gatha abhasi. Tattha attati attita. Ayameva va patho, attita pilitati attho. Khittacittati sokummadena khittahadaya. Tato eva pakatisannaya vigamena visannini. Hirottappabhavato apagatavatthataya nagga. Vidhutakesataya pakinnakeSi. Tena tenati gamena gamam nagarena nagaram vithiya vithim vicarim aham. Athati paccha ummadasamvattaniyassa kammassa parikkhaye. Sugatanti sobhanagamanatta sundaram thanam gatatta samma gadatta samma ca gatatta sugatam bhagavantam. Mithilam gatanti mithilabhimukham, mithilanagarabhimukham gacchantanti attho. Sacittam patiladdhanati buddhanubhavena ummadam pahaya attano pakaticittam patilabhitva. Yunjanti satthuvacaneti satthu sammasambuddhassa sasane yogam karonti bhavanam anuyunjanti. Sacchakasim padam sivanti sivam khemam catuhi yogehi anupaddutam nibbanam padam sacchiakasim. Etadantikati etam idani maya adhigatam arahattam anto pariyosanam etesanti etadantika, soka. Na dani tesam sambhavo atthiti attho. Yato sokana sambhavoti Yato antonijjhanalakkhananam sokanam sambhavo, tesam sokanam pancupadanakkhandha- sankhata vatthu adhitthanani natatiranapahanaparinnahi parinnata. Tasma soka etadantikati yojana. Vasitthitherigathavannana nitthita. ------------------

The Pali Atthakatha in Roman Book 34 page 158-160. http://84000.org/tipitaka/atthapali/read_rm.php?B=34&A=3397&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=3397&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=452 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9297 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9348 The Pali Tipitaka in Roman Character :- http://84000.org/tipitaka/read/roman_read.php?B=26&A=9348 Contents of The Tipitaka Volume 26 http://84000.org/tipitaka/read/?index_26