Atthakatha Book 55 : PALI ROMAN
Panca.A. (paramatthadi.)

Ekenayatanena sattahi dhatuhi asangahita nama honti. Athava yadetam rupakkhandhena
vinnanameva tihi khandhadisangahehi asangahitam, tehipi vinnanadhammehi te
rupadhammava tihi  sangahehi asangahita. Puna te rupadhamma vinnaneneva tihi
sangahehi asangahita. Vinnananca khandhato eko vinnanakkhandho hoti,
ayatanato ekam manayatanam, dhatuto satta vinnanadhatuyo, tasma "ekena
khandhena"tiadi vuttam. Imina upayena sabbattha yam pucchaya uddhatam padam,
tadeva yehi dhammehi khandhadivasena asangahitam, tesam dhammanam vasena khandhadayo
veditabba. Tattha 1- dutiyapanho tava rupavinnananam vasena veditabbo. 1-
Vedanadayo hi rupavinnaneheva khandhadisangahena asangahita, te ca dve khandha,
ekadasayatanani, sattarasa dhatuyo honti.
     [195] Tatiyapanhe vinnanam rupadihi catuhi asangahitanti tesam vasena
khandhadayo veditabba.
     [196] Catutthapanhe cakkhvayatanam vedanadihi catuhiti imina nayena
sabbattha khandhadayo veditabba. Pariyosane "rupanca dhammayatanan"ti
uddanagathaya dassitadhammayeva annenakarena sankhipitva dassitati.
                  Asangahitenaasangahitapadavannana nitthita.
                         --------------


             The Pali Atthakatha in Roman Book 55 page 17.
http://84000.org/tipitaka/atthapali/read_rm.php?B=55&A=343&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=343&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=36&i=189
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=771
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=814
             The Pali Tipitaka in Roman Character :-
http://84000.org/tipitaka/read/roman_read.php?B=36&A=814
             Contents of The Tipitaka Volume 36
http://84000.org/tipitaka/read/?index_36