AtthaPali Vol.15

2. Dutiyapannasaka 6. 1. Brahmanavagga 1. Pathamadvebrahmanasuttavannana [52] Brahmanavaggassa pathame jinnati jarajinna. Vuddhati vayovuddha. Mahallakati jatimahallaka. Addhagatati tayo addhe ^1- atikkanta. Vayoanuppattati pacchimavayam ^2- anuppatta. Yena bhagava tenupasankamimsuti puttadare attano vacanam akaronte disva "samanassa gotamassa santikam gantva niyyanikam maggam gavesessama"ti cintetva upasankamimsu. Mayamassu bho gotama brahmanati bho gotama mayam brahmana na khattiya namacca na gahapatikati brahmanabhavam janapetva jinnatiadimahamsu. Akatabhirutanati akatabhayaparittana. Avassayabhutam patitthanakammam amhehi na katanti dassenti. Tagghati ekamsatthe nipato, sampaticchanatthe va. Ekantena tumhe evarupa, ahampi kho ekam sampaticchamiti ca dasseti. Upaniyatiti upasamhariyati. Ayam hi jatiya jaram upaniyati, jaraya byadhim, byadhina maranam, maranena puna jatim. Tena vuttam "upaniyati"ti. Idani yasma te brahmana mahallakatta pabbajitvapi vattam puretum na sakkhissanti, tasma ne pancasu silesu patitthapento bhagava yodha kayena sannamoti aha. Tattha kayena sannamoti kayadvarena samvaro. Sesesupi eseva nayo. Tam tassa petassati tam punnam tassa paralokam gatassa tayanatthena tanam niliyanatthena ^3- lenam patitthanatthena dipo avassayanatthena saranam uttamagativasena parayananca hotiti dasseti. Gatha uttanatthayeva. Evam te brahmana tathagatena pancasu silesu samadapita yavajivam panca silani rakkhitva sagge nibbattimsu. @Footnote: ¹ Si. tayo vaye ² cha.Ma. tatiyam vayam ³ Si. liyanatthena

The Pali Atthakatha in Roman Book 15 page 157. http://84000.org/tipitaka/atthapali/read_rm.php?B=15&A=3580&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=3580&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=491 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=4031 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=4083 The Pali Tipitaka in Roman Character :- http://84000.org/tipitaka/read/roman_read.php?B=20&A=4083 Contents of The Tipitaka Volume 20 http://84000.org/tipitaka/read/?index_20