AtthaPali Vol.50

124. 2. Pupphathupiyattherapadanavannana himavantassaviduretiadikam ayasmato pupphathupiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vipassibuddhassa bhagavato kale brahmanakule nibbatto vinnutam patva sakasippe nipphattim patto tattha saram apassanto geham pahaya himavantam pavisitva attana sahagatehi pancasissasahassehi saddhim pancabhinna attha samapattiyo nibbattetva kukkuranamapabbatasamipe pannasalam karetva pativasati. Tada buddhuppadabhavam sutva sissehi saha buddhassa santikam gantukamo kenaci byadhina pilito pannasalam pavisitva sissasantika buddhassanubhavam lakkhananca sutva pasannamanaso himavantato campakasokatilakakotakadyaneke pupphe aharapetva thupam katva buddham viya pujetva kalam katva brahmalokupago ahosi. Atha te sissa tassa alahanam katva buddhasantikam gantva tam pavattim arocesum. Atha bhagava buddhacakkhuna oloketva anagatamsananena pakatikaranamakasi. So aparabhage imasmim buddhuppade savatthiyam kulagehe nibbatto vinnutam patto pubbavasanabalena satthari pasanno pabbajitva nacirasseva araha ahosi. [10] Atha so attano pubbakusalam saritva somanassajato pubbacaritapadanam pakasento himavantassaviduretiadimaha. Tam hettha vuttatthameva. Kukkuro nama pabbatoti pabbatassa sikharam kukkurakarena sunakhakarena santhitatta "kukkurapabbato"ti sankhyam gato, tattha samipe pannasalam katva pancatapasasahassehi saha vasamanoti attho. Nayanusarena sesam sabbam uttanatthamevati. Pupphathupiyattherapadanavannana nitthita. -------------- @Footnote: ¹ pujetukamataya (?).

The Pali Atthakatha in Roman Book 50 page 166. http://84000.org/tipitaka/atthapali/read_rm.php?B=50&A=3592&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3592&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=124 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3699 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4527 The Pali Tipitaka in Roman Character :- http://84000.org/tipitaka/read/roman_read.php?B=32&A=4527 Contents of The Tipitaka Volume 32 http://84000.org/tipitaka/read/?index_32