AtthaPali Vol.3

{290} Dhammassa ca anudhammam byakarontiti bhagavato vuttakaranassa anukaranam kathenti. Sahadhammiko vadanuvadoti aparehi vuttakarano hutva tumhakam vado hi vinnugarahitabbakaranam koci appamattakopi kim na agacchati. Idam vuttam hoti kim sabbakaranenapi tumhakam pavado garayham karanam natthiti. Anabbhakkhatukamati abhibhavitva acikkhitukama. {293} Anuviccakaranti anuviditva cintetva tulayitva katabbam karohiti vuttam hoti. Natamanussananti loke pakatanam. Sadhu hotiti sundaram hoti. Patakam parihareyyunti patakam ukkhipitva nagare ghosanta ahindeyyum. Kasma. Evam amhakam mahantabhavo bhavissatiti. Opanabhutanti patiyattam udapano viya patitam. Kulanti nivesanam. Databbam manneyyasiti ma imesam deyyadhammam upacchindittha sampattanam hi databbamevati ovadati. Okaroti avakaro lamakabhavo. Samukkamsikati attanayeva uddharitva gahita asadharana annesanti attho. Uddissakatanti uddisitva katam. {294} Paticcakammanti attanam paticca katanti attho. Athava paticcakammanti nimittakammassetam adhivacanam. Tam paticcakammam ettha atthiti mamsampi paticcakammanti vuttam. Yo hi evarupam mamsam bhunjati sopi tassa kammassa dayado hoti vadhakassa viya tassapi panaghatakammam hotiti adhippayo. Na jirantiti abbhacikkhanta na jiranti abbhakkhanassa antam na gacchantiti attho. Tikotiparisuddhikatha sanghabhedasikkhapadavannanayam vutta.

The Pali Atthakatha in Roman Book 3 page 196-197. http://84000.org/tipitaka/atthapali/read_rm.php?B=3&A=4045&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4045&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=83 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=1777 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=1995 The Pali Tipitaka in Roman Character :- http://84000.org/tipitaka/read/roman_read.php?B=4&A=1995 Contents of The Tipitaka Volume 4 http://84000.org/tipitaka/read/?index_4