AtthaPali Vol.30

40. 2. Pabhassaravimanavannana pabhassaravaravannanibheti pabhassaravimanam. Tassa ka uppatti? bhagava rajagahe viharati. Tena ca samayena rajagahe annataro upasako mahamoggallanatthere abhippasanno hoti. Tasseka dhita saddha pasanna, sapi there garucittikarabahula hoti. Athekadivasam ayasma mahamoggallano rajagahe pindaya caranto tam kulam upasankami. Sa theram disva somanassajati asanam pannapetva there tattha nisinne sumanamalaya pujetva madhuram gulaphanitam therassa patte akiri, thero anumoditukamo nisidi. Sa gharavasassa bahukiccataya anokasatam pavedetva @Footnote: ¹ Si.,i. muttapupphehi ² Si. upanesim "annasmim divase dhammam sossami"ti theram vanditva uyyojesi. Tadaheva ca sa kalam katva tavatimsesu nibbatti. Tam ayasma mahamoggallano upasankamitva imahi gathahi pucchi:- [697] "pabhassaravaravannanibhe surattavatthavasane ^1- mahiddhike candanaruciragatte ka tvam subhe devate vandase mamam. [698] Pallanko ca te mahaggho nanaratanacittito ruciro yattha tvam nisinna virocasi devarajariva nandane vane. [699] Kim tvam pure sucaritamacari bhadde kissa kammassa vipakam anubhosi devalokasmim devate pucchitacikkha kissa kammassidam phalan"ti. #[697] Tattha pabhassaravaravannanibheti nibhati dibbatiti ^2- nibha, vanno eva ^3- nibha vannanibha, ativiya obhasanato pabhassara chavidosabhavena vara uttama vannanibha etissati pabhassaravaravannanibha. Amantanavasena "pabhassaravaravanna- nibhe"ti vuttam. Surattavatthavasaneti ^4- sutthu rattavatthanivatthe. Candanaruciragatteti @Footnote: ¹ Si.,i. surattavatthanivasane ² cha.Ma. dippatiti @³ cha.Ma. vannova ⁴ Si.,i surattavatthanivasaneti Candananulittam viya ruciragatte, gositacandanena ^1- bahalataranulittam viya surattamanunnasariravayaveti attho, candananulepena va ruciragatte. Evam therena puttha devata imahi gathahi byakasi:- [700] "pindaya te carantassa malam phanitanca adadam bhante tassa kammassidam vipakam anubhomi devalokasmim [701] Hoti ca me anutapo aparaddham dukkhitanca me ^2- bhante saham dhammam nassosim sudesitam dhammarajena. [702] Tam tam vadami bhaddante yassa me anukampiyo koci dhammesu tam samadapetha ^3- sudesitam dhammarajena. [703] Yesam atthi saddha buddhe dhamme ca samgharatane ca te ^4- mam ativirocanti ayuna yasasa siriya. [704] Patapena vannena uttaritara anne mahiddhikatara maya deva"ti. #[700] Tattha malanti sumanapuppham. Phanitanti ucchurasam gahetva kataphanitam. #[701] Anutapoti vippatisaro. Tassa karanamaha "aparaddham dukkhitanca me bhante"ti. Idani tam sarupato dasseti "saham dhammam nassosin"ti, sa aham tada tava desetukamassa dhammam na sunim. Kidisam? sudesitam dhammarajenati, @Footnote: ¹ Si. gosisakacandanena ² Si. dukkatanca @³ Si. samadapettha ⁴ Si. tam te Sammasambuddhena adikalyanaditaya ekantaniyyanikataya ca svakkhatanti attho. #[702] Tanti tasma dhammarajena sudesitatta asavanassa ca madisanam anutapahetubhavato. Tanti tuvam, tuyhanti attho. Yassati yo assa. Anukampiyoti anukampitabbo. Kociti yo koci. Dhammesuti siladidhammesu. "dhamme hi"ti va patho, sasanadhammeti attho. Hiti nipatamattam, vacanavipallaso va. Tanti anukampitabbapuggalam. Sudesitanti sutthu desitam. #[703-4] Te mam ativirocantiti te ratanattaye abhippasanna ^1- devaputta mam atikkamitva virocanti. Patapenati tejasa anubhavena. Anneti ye anne. Mayati nissakke karanavacanam. Vannena uttaritara mahiddhikatara ca deva, te ratanattaye ^2- abhippasannayevati dasseti. ^2- Sesam vuttanayameva. Pabhassaravimanavannana nitthita. -----------------

The Pali Atthakatha in Roman Book 30 page 201-204. http://84000.org/tipitaka/atthapali/read_rm.php?B=30&A=4252&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=4252&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=40 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1421 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1398 The Pali Tipitaka in Roman Character :- http://84000.org/tipitaka/read/roman_read.php?B=26&A=1398 Contents of The Tipitaka Volume 26 http://84000.org/tipitaka/read/?index_26