Atthakatha Book 32 : PALI ROMAN
Thera.A.1 (paramatthadi.1)

                  192. 5. Anjanavaniyattheragathavannana
      asandim kutikam katvati ayasmato anjanavaniyattherassa gatha. Ka uppatti?
      so kira padumuttarassa bhagavato kale sudassano nama malakaro hutva
sumanapupphehi bhagavantam pujetva annampi tattha tattha bahum punnam katva devamanussesu
samsaranto kassapassa bhagavato sasane pabbajitva samanadhammam akasi. Atha imasmim
@Footnote: 1 Si.....sahitena
Buddhuppade vesaliyam vajjirajakule nibbattitva tassa vayappattakale vajjiratthe
"avutthibhayam byadhibhayam amanussabhayan"ti tini bhayani uppajjimsu. Tam sabbam
ratanasuttavannanayam 1- vuttanayena veditabbam. Bhagavati pana vesalim pavitthe bhayesu
ca vupasantesu satthu dhammadesanaya sambahulanam devamanussanam dhammabhisamaye ca
jate ayam rajakumaro buddhanubhavam disva patiladdhasaddho pabbaji. Yatha cayam,
evam anantaram vuccamana cattaropi jana. Tepi hi imassa sahayabhuta licchaviraja-
kumara evam iminava niharena pabbajimsu. Kassapasammasambuddhakalepi sahaya 2-
hutva imina saheva pabbajitva samanadhammam akamsu, padumuttarassapi bhagavato padamule
kusalabijaropanadim akamsuti. Tatthayam katapubbakicco sakete anjanavane susanatthane
vasanto upakatthaya vassupanayikaya manussehi chadditam jinnakam asandim labhitva
tam catusu pasanesu thapetva upari tiriyanca tinadihi chadetva dvaram yojetva
vassam upagato. Pathamamaseyeva ghatento vayamanto arahattam papuni. Tena vuttam
apadane 3- :-
          "sudassanoti namena         malakaro aham tada
           addasam virajam buddham          lokajettham narasabham.
           Jatipuppham gahetvana        pujayim padumuttaram
           visuddhacakkhu sumano          dibbacakkhum samajjhagam.
           Etissa pupphapujaya        cittassa panidhihi ca
           kappanam satasahassam          duggatim nupapajjaham.
           Solasasimsu rajano        devuttarasanamaka
           chattimsamhi ito kappe       cakkavatti mahabbala.
           Kilesa jhapita mayham .pe.  katam buddhassa sasanan"ti.
@Footnote: 1 pa.jo.khuddaka. 6/141 (navapotthaka)     2 Si. kassapabuddhakale piyasahaya
@3 khu.apa. 32/24/197 mutthipupphiyattherapadana
      Arahattam pana patva vimuttisukham patisamvedento samapattito vutthaya yathaladdham
sampattim paccavekkhitva pitivegena udanento:-
       1- "asandim kutikam katva        oggayha anjanam vanam
           tisso vijja anuppatta     katam buddhassa sasanan"ti
gatham abhasi. 1-
      [55] Tattha asandim kutikam katvati asandi nama dighapadakam caturassapitham, 2-
ayatam caturassampi atthiyeva, yattha nisiditumeva sakka, na nipajjitum, tam asandim
kutikam katva vasatthaya hettha vuttanayena kutikam katva yatha tattha nisinnassa
utuparissayabhavena sukhena samanadhammam katum sakka, evam kutikam katva. Etena
paramukkamsagatam senasane 3- attano appicchatam santutthinca 4- dasseti. Vuttampi
cetam dhammasenapatina:-
          "pallankena nisinnassa       jannukenabhivassati
           alam phasuviharaya         pahitattassa bhikkhuno"ti. 5-
      Apare "asandikutikan"ti patham vatva "asandippamanam kutikam katva"ti
attham vadanti. Anne pana "asananisajjadigate manusse uddissa mancakassa upari
katakutika asandi nama, tam asandim kutikam katva"ti attham vadanti. Oggayhati
ogahetva anupavisitva. Anjanam vananti evamnamakam vanam, anjanavanna-
pupphabhavato hi anjana vuccanti valliyo, tabbahulataya tam vanam "anjanavanan"ti
namam labhi. Apare pana "anjana nama mahagaccha"ti vadanti, tam anjanavanam
@Footnote: 1-1 cha.Ma. "asandim kutikam katva"ti gatham abhasi     2 Si. caturassam mancapitham
@3 Si. senasanam  4 Si. santutthatanca  5 khu.thera. 26/985/395 sariputtattheragatha
Oggayha asandikam kutikam katva tisso vijja anuppatta, katam buddhassa
sasananti viharata mayati vacanaseseneva yojana. Idameva ca therassa
annabyakaranam ahositi.
                   Anjanavaniyattheragathavannana nitthita.
                         ---------------


             The Pali Atthakatha in Roman Book 32 page 197-200.
http://84000.org/tipitaka/atthapali/read_rm.php?B=32&A=4416&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=4416&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=192
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5302
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5546
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5546
             Contents of The Tipitaka Volume 26
http://84000.org/tipitaka/read/?index_26