AtthaPali Vol.34

8. Atthakanipata 462. 1. Sisupacalatherigathavannana atthakanipate bhikkhuni silasampannatiadika sisupacalaya theriya gatha, imissapi vatthu calaya theriya vatthumhi vuttameva. ^1- Ayampi hi ayasmato dhammasenapatissa pabbajitabhavam sutva sayampi ussaha- jata pabbajitva katapubbakicca vipassanam patthapetva ghatenti vayamanti nacirasseva arahattam papuni. Arahattam pana ^2- patva phalasamapattisukhena viharanti ekadivasam attano patipattim paccavekkhitva somanassajata ^3- udanavasena:- [196] "bhikkhuni silasampanna indriyesu susamvuta adhigacche padam santam asecanakamojavan"ti gathamaha. Tattha silasampannati parisuddhena bhikkhunisilena samannagata paripunna. Indriyesu susamvutati manacchatthesu indriyesu sutthu samvuta, rupadiarammane itthe ragam, anitthe dosam, asamapekkhane mohanca pahaya sutthu pihitindriya. Asecanakamojavanti kenaci anasitakam ojavantam sabhavamadhuram sabbassapi kilesarogassa vupasamanosadhabhutam ariyamaggam, nibbanameva va. Ariyamaggampi hi nibbanatthikehi patipajjitabbato kilesaparilahabhavato ca padam santanti vattum vattati. [197] "tavatimsa ca yama ca tusita capi devata nimmanaratino deva ye deva vasavattino tattha cittam panidhehi yattha te vusitam pure"ti @Footnote: ¹ cha.Ma. vuttanayameva ² cha.Ma. pana-saddo na dissati @³ Ma.,i. katapubbakicca, cha. paccavekkhitva katakiccati somanassajata Ayam gatha kamasaggesu nikantim uppadehiti tattha uyyojanavasena therim samapattiya cavetukamena marena vutta. Tattha sahapunnakarino tettimsa jana yattha uppanna, ^1- tam thanam tavatimsanti. Tattha nibbatta sabbepi devaputta tavatimsa. Keci pana "tavatimsati tesam devanam namameva"ti vadanti. Dvihi devalokehi visittham dibbam sukham yata upayata sampannati ^2- yama. Dibbaya sampattiya tuttha pahatthati tusita. Pakatipatiyattarammanato atirekena ramitukamata kale yatharucite bhoge nimminitva ramantiti nimmanaratino. Cittarucim natva parehi nimmitesu bhogesu vasam vattentiti paranimmitavasavattino ^3-. Tattha cittam panidhehiti tasmim tavatimsadike devanikaye tava cittam thapehi, uppajjanaya ^4- nikantim karohi. Catumaharajikanam bhoga itarehi nihinati adhippayena tavatimsadayova vutta. Yattha te vusitam pureti yesu devanikayesu taya pubbe vuttham. ^5- Ayam kira pubbe devesu uppajjanti tavatimsato patthaya pancakamasagge sodhetva puna hetthato otaranti tusitesu thatva tato cavitva idani manussesu nibbatta. Tam sutva theri "titthatu mara taya vuttakamaloko. Annopi sabbo loko ragaggiadihi aditto sampajjalito. Na tattha vinnunam cittam ramati"ti kamato ca lokato ca attano vinivattitamanasatam dassetva maram tajjenti:- [198] "tavatimsa ca yama ca tusita capi devata nimmanaratino deva ye deva vasavattino. [199] Kalam kalam bhava bhavam sakkayasmim purakkhata avitivatta sakkayam jatimaranasarino. [200] Sabbo adipito loko sabbo loko padipito sabbo pajjalito loko sabbo loko pakampito. @Footnote: ¹ cha.Ma. upapanna ² Si. upapannati ³ cha.Ma. vasavattino ⁴ cha.Ma. upapajjanaya @⁵ Ma. upapanna [201] Akampiyam atuliyam aputhujjanasevitam buddho dhammamadesesi tattha me nirato mano. [202] Tassaham vacanam sutva viharim sasane rata tisso vijja anuppatta katam buddhassa sasanam. [203] Sabbattha vihata nandi tamokkhandho padalito evam janahi papima nihato tvamasi antaka"ti ima gatha abhasi. Tattha kalam kalanti tam tam kalam. Bhava bhavanti bhavato bhavam. Sakkayasminti khandhapancake. Purakkhatati purakkharakarino. Idam vuttam hoti:- mara taya vutta tavatimsadayo deva bhavato bhavam upagacchanta aniccatadianekadinavakule sakkaye patitthita, tasma tasmim bhave uppattikale, vemajjhakale, pariyosanakaleti tasmim tasmim kale sakkayameva purakkhatva thita. Tato eva avitivatta sakkayam nissaranabhimukha ahutva sakkayatirameva anuparidhavanta jatimaranasarino ragadihi ^1- anugatatta punappunam ^2- jatimaranameva anussaranti, tato na vimuccantiti. Sabbo adipito lokoti mara na kevalam taya vuttakamalokoyeva dhatuttaya- sannito, sabbopi loko ragaggiadihi ekadasahi aditto. Tehiyeva punappunam adipitataya padipito. Nirantaram ekajalibhutataya pajjalito. Tanhaya sabbakilesehi ca ito cito ca kampitataya calitataya pakampito. Evam aditte pajjalite pakampite ca loke kenacipi kampetum caletum asakkuneyyataya akampiyam gunato "ettako"ti tuletum asakkuneyyataya attana sadisassa abhavato ca atuliyam buddhadihi ariyehi eva gocarabhavanabhigamato sevitatta @Footnote: ¹ Ma. jaradihi ² Ma. anuppannam Aputhujjanasevitam buddho bhagava maggaphalanibbanappabhedam navavidham lokuttaradhammam mahakarunaya sancoditamanaso adesesi sadevakassa lokassa kathesi pavedesi. Tattha tasmim ariyadhamme mayham mano nirato abhirato, na tato vinivattatiti attho. Sesam hettha vuttanayameva. Sisupacalatherigathavannana nitthita. Atthakanipatavannana nitthita. ------------

The Pali Atthakatha in Roman Book 34 page 214-217. http://84000.org/tipitaka/atthapali/read_rm.php?B=34&A=4602&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=4602&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=462 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9455 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9497 The Pali Tipitaka in Roman Character :- http://84000.org/tipitaka/read/roman_read.php?B=26&A=9497 Contents of The Tipitaka Volume 26 http://84000.org/tipitaka/read/?index_26