Atthakatha Book 54 : PALI ROMAN
Vibhanga.A. (sammoha.)

Abhavavabodhato attaditthim pajahati, miccha passanto yo asatipi byapare
avijjadinam sabhavaniyamasiddho hetubhavo, tassa aggahanato akiriyaditthim upadiyati.
     Avijjadihi pana karanehi sankharadinamyeva sambhavo khiradihi dadhiadinam
viya, na annesanti ayam evamdhammatanayo nama, yam samma passanto paccayanurupato
phalavabodhato ahetukaditthinca akiriyaditthinca pajahati, miccha passanto paccayanurupam
phalappavattim aggahetva yato kutoci yassa kassaci asambhavaggahanato ahetukaditthinceva
niyatavadanca upadiyatiti evamidam bhavacakkam:-
          saccappabhavato kicca         varana upamahi ca
          gambhiranayabheda ca           vinnatabbam yatharaham.
     Idanhi gambhirato agadham nananayaggahanato duratiyanam 1- nanasina
samadhipavarasilayam sunisitena:-
                     bhavacakkamapadaletva
                     asanivicakkamiva niccanimmathanam
                     samsarabhayamatito
                     na koci supinantarepyatthi.
     Vuttampi cetam bhagavata "gambhiro cayam ananda paticcasamuppado gambhiravabhaso
ca, etassa ananda dhammassa annana 2- ananubodha 3- appativedha
evamayam paja tantakulakajata guliganthikajata 4- munjapabbajabhuta apayam duggatim
vinipatam samsaram nativattati"ti. 5- Tasma attano va paresam va hitaya sukhaya
patipanno avasesakiccani pahaya:-
            gambhire paccayakarap-       pabhede idha pandito
            yatha gadham labhetheva         anuyunje sada satoti.
                     Suttantabhajaniyavannana nitthita.
                           -----------
@Footnote: 1 cha.Ma. durabhiyanam          2 cha.Ma. ayam patho na dissati        3 cha.Ma. ananubodho
@4 cha.Ma. kulaganthikajata      5 di.Ma. 10/95/49, sam.ni. 16/60/89


             The Pali Atthakatha in Roman Book 54 page 214.
http://84000.org/tipitaka/atthapali/read_rm.php?B=54&A=5043&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=54&A=5043&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=35&i=255
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=35&A=3732
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=35&A=3683
             The Pali Tipitaka in Roman Character :-
http://84000.org/tipitaka/read/roman_read.php?B=35&A=3683
             Contents of The Tipitaka Volume 35
http://84000.org/tipitaka/read/?index_35