AtthaPali Vol.32

204. 7. Ekadhammasavaniyattheragathavannana kilesa jhapita mayhanti ayasmato ekadhammasavaniyattherassa gatha. Ka uppatti? so kira padumuttarassa bhagavato kale rukkhadevata hutva nibbatto katipaye bhikkhu maggamulhe mahaaranne ^4- vicarante disva anukampamano attano bhavanato otaritva te samassasetva bhojetva yathadhippetatthanam papesi. So tena punnakammena devamanussesu samsaranto kassape bhagavati loke uppajjitva katabuddha- kicce parinibbute tasmim kale baranasiraja kiki nama ahosi. Tasmim kalankate tassa puthuvindaraja ^5- nama putto asi. Tassa suyamo ^6- nama. Tassa putto kikibrahmadatto nama hutva rajjam karento sasane antarahite dhammassavanam alabhanto "yo dhammam deseti, tassa satasahassam ^7- dammi"ti ghosapetva ekampi @Footnote: ¹ Si. valika ² Si. santikeyeva ³ Si. silakkhandhadiparipunna @⁴ cha.Ma. maharanne ⁵ Si. puthuvindaro raja ⁶ cha.Ma. susamo ⁷ cha.Ma. sahassam Dhammakathikam alabhanto "mayham pitamahadinam ^1- kale dhammo samvattati, dhammakathika sulabha ahesum. Idani pana catuppadikagathamattampi kathento dullabho. Yava dhammasamanna na vinassati, tavadeva pabbajissami"ti rajjam pahaya himavantam uddissa gacchantam sakko devaraja agantva "anicca vata sankhara"ti gathaya kathetva ^2- nivattesi. So vattitva punnam katva ^3- devamanussesu samsaranto imasmim buddhuppade setabyanagare setthikule nibbattitva vayappatto bhagavati setabyanagare sisapavane viharante sattharam upasankamitva vanditva ekamantam nisidi. Tassa sattha ajjhasayam oloketva "anicca vata sankhara"ti imaya gathaya dhammam desesi. Tassa tattha katadhikarataya so aniccasannaya pakatataram hutva upatthitaya patiladdhasamvego pabbajitva sammasanam ^4- patthapetva dukkhasannam anattasannanca manasikaronto vipassanam ussukka- petva arahattam papuni. Tena vuttam apadane ^5- :- "padumuttarabuddhassa savaka vanacarino vippanattha ^6- braharanne andhava anusissare. ^7- Anussaritva sambuddham padumuttaranayakam tassa te munino putta vippanattha mahavane. Bhavana oruhitvana agamim bhikkhusantikam tesam magganca acikkhim bhojananca adasaham. Tena kammena dipadinda ^8- lokajettha narasabha jatiya sattavassoham arahattamapapunim. Sacakkhu nama namena dvadasa cakkavattino sattaratanasampanna pancakappasate ito. @Footnote: ¹ cha.Ma. pitupitamahadinam ² cha.Ma. gathaya dhammam kathetva ³ cha.Ma. nivattitva bahum @ punnam katva ⁴ cha.Ma. dhammasammasanam ⁵ khu.apa. 32/66/209 maggasannakattherapadana @⁶ Si. vippaladdha ⁷ Si. anupithiyare, cha.Ma. anusuyyare ⁸ cha.Ma. dvipadinda. @ evamuparipi Kilesa jhapita mayham .pe. Katam buddhassa sasanan"ti. Tassa ekeneva dhammassavanena nipphannakiccatta ekadhammasavaniyotveva samanna ahosi. So araha hutva annam byakaronto:- [67] "kilesa jhapita mayham bhava sabbe samuhata vikkhino jatisamsaro natthi dani punabbhavo"ti gatham abhasi. Tattha kilesati yasmim santane uppanna, tam kilesanti vibadhenti upatapenti vati kilesa, ragadayo. Jhapitati indaggina viya rukkhagacchadayo ariyamaggananaggina samulam daddha. Mayhanti maya, mama santane va. Bhava sabbe samuhatati kamakammabhavadayo sabbe bhava samuggatita kilesanam jhapitatta. Sati hi kilesavattena kammavattena bhavitabbam. Kammabhavanam samuhatattaeva ca upapattibhavapi samuhataeva anuppattidhammataya apaditatta. Vikkhino jatisamsaroti jatiadiko:- khandhananca patipati dhatuayatanana ca abbocchinnam vattamana samsaroti pavuccatiti vuttalakkhano samsaro visesato khino, tasma natthi dani punabbhavo. Yasma ayatim punabbhavo natthi, tasma vikkhino jatisamsaro. Tasma ca punabbhavo natthi, yasma bhava sabbe samuhatati avattetva vattabbam. Athava vikkhino jatisamsaro, tatoeva natthi dani punabbhavoti yojetabbam. Ekadhammasavaniyattheragathavannana nitthita.

The Pali Atthakatha in Roman Book 32 page 234-236. http://84000.org/tipitaka/atthapali/read_rm.php?B=32&A=5239&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5239&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=204 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5363 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5594 The Pali Tipitaka in Roman Character :- http://84000.org/tipitaka/read/roman_read.php?B=26&A=5594 Contents of The Tipitaka Volume 26 http://84000.org/tipitaka/read/?index_26