Atthakatha Book 27 : PALI ROMAN
Iti.A. (paramatthadi.)

                        3. Nissaraniyasuttavannana
      [72] Tatiye nissaraniyati nissaranapatisamyutta. Dhatuyoti sattasunnasabhava.
Kamananti kilesakamananceva vatthukamananca. Atha va kamananti
kilesakamanam. Kilesakamato hi nissarana vatthukamehipi nissaranamyeva hoti, na
annatha. Vuttanhetam:-
                "na te kama yani citrani loke
                 sankapparago purisassa kamo
                 titthanti citrani tatheva loke
                 athettha dhira vinayanti chandan"ti. 1-
      Nissarananti apagamo. Nekkhammanti pathamajjhanam, visesato tam asubharammanam
datthabbam. Yo pana tam jhanam padakam katva sankhare sammasitva tatiyamaggam
patva anagamimaggena nibbanam sacchikaroti, tassa cittam accantameva
kamehi nissatanti idam ukkatthato kamanam nissaranam veditabbam. Rupananti
rupadhammanam, visesena saddhim arammanehi kusalavipakakiriyabhedato sabbesam
rupavacaradhammanam. Aruppanti arupavacarajjhanam. Keci pana "kamanan"ti
padassa "sabbesam kamavacaradhammanan"ti attham vadanti, "nekkhamman"ti ca
"panca rupavacarajjhanani"ti. Tam atthakathasu natthi, na yujjati ca. Bhutanti
jatam. Sankhatanti samecca sambhuyya paccayehi katam. Paticcasamuppannanti karanato
nibbattam. Tihipi padehi tebhumake dhamme anavasesato pariyadiyati. Nirodhoti
nibbanam. Ettha ca pathamaya dhatuya kamaparinna vutta, dutiyaya rupaparinna,
tatiyaya sabbasankhataparinna sabbabhavasamatikkamo vutto.
@Footnote: 1 an.chakka. 22/334/460
      Gathasu kamanissaranam natvati "idam kamanissaranam, evanca kamato
nissaranan"ti janitva. Atikkamati etenati atikkamo, atikkamanupayo,
tam atikkamam aruppam natva. Sabbe sankhara samanti vupasamanti
etthati sabbasankharasamatho, nibbanam, tam passanto. 1- Sesam hettha
vuttanayameva.
                        Tatiyasuttavannana nitthita.
                          -------------


             The Pali Atthakatha in Roman Book 27 page 251-252.
http://84000.org/tipitaka/atthapali/read_rm.php?B=27&A=5516&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=27&A=5516&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=25&i=250
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=5789
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=5735
             The Pali Tipitaka in Roman Character :-
http://84000.org/tipitaka/read/roman_read.php?B=25&A=5735
             Contents of The Tipitaka Volume 25
http://84000.org/tipitaka/read/?index_25