Atthakatha Book 55 : PALI ROMAN
Panca.A. (paramatthadi.)

                      4. Niyatassaniyamakathavannana
     [663-664] Idani niyatassa niyamakatha nama hoti. Tattha duvidho
niyamo micchattaniyamo ca anantariyakammam sammattaniyamo ca ariyamaggo, ime
dve niyame thapetva anno niyamo nama natthi. Sabbepi hi sesa
tebhumikadhamma aniyata nama, tehi samannagatopi aniyatoyeva. Buddhehi pana
attano nanabalena "ayam satto anagate bodhim papunissati"ti byakato
bodhisatto punnussadatta niyatoti vuccati. Iti imam voharamattam gahetva
"pacchimabhaviko bodhisatto taya jatiya bhabbo dhammam abhisametun"ti adhippayato 1-
"niyato niyamam okkamati"ti yesam laddhi seyyathapi pubbaseliyaparaseliyanam, te
sandhaya puccha sakavadissa, patinna itarassa. Micchattaniyatotiadi annena
niyamena niyatassa annaniyamabhavadassanattham vuttam. Pubbe maggam bhavetvatiadi
niyamappabhedadassanattham vuttam. Satipatthanantiadi ekasmimpi niyame
dhammappabhedadassanattham vuttam. Bhabbo bodhisattoti vacanam kevalam bodhisattassa bhabbatam
dipeti, na niyatassa niyamokkamanam, tasma asadhakam. So hi pubbe ekenapi
niyatadhammena aniyato bodhimule saccadassanena niyamam okkantoti.
                    Niyatassaniyamakathavannana nitthita.
                           -----------
@Footnote: 1 cha.Ma. adhippayena


             The Pali Atthakatha in Roman Book 55 page 269.
http://84000.org/tipitaka/atthapali/read_rm.php?B=55&A=6063&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=6063&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=36&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=
             The Pali Tipitaka in Roman Character :-
http://84000.org/tipitaka/read/roman_read.php?B=36&A=
             Contents of The Tipitaka Volume 36
http://84000.org/tipitaka/read/?index_36