AtthaPali Vol.32

221. 4. Nitattheragathavannana sabbarattim supitvanati ayasmato nitattherassa gatha. Ka uppatti? ayam kira padumuttarassa bhagavato kale sunando nama brahmano hutva anekasate brahmane mante vacento vajapeyyam nama yannam yaji, bhagava tam brahmanam anukampanto yannatthanam gantva akase cankami. Brahmano sattharam disva pasannamanaso sissehi pupphani aharapetva akase khipitva pujam akasi. Buddhanubhavena tam thanam sakalam ca nagaram pupphapatena viya ^2- chaditam ahosi. Mahajano satthari ularam pitisomanassam patisamvedesi. Sunandabrahmano tena kusalamulena devamanussesu samsaranto imasmim buddhuppade savatthiyam annatarassa brahmanassa putto hutva nibbatti, nitotissa namam ahosi. So vinnutam patva ^3- "ime samana sakyaputtiya sukhasila sukhasamacara subhojanani bhunjitva nivatesu senasanesu viharanti, imesu pabbajitva sukhena viharitum sakka"ti sukhabhilasaya pabbajitvava satthu santike kammatthanam gahetva katipahameva manasikaritva tam chaddetva yavadattham udaravadehakam bhunjitva divasabhagam sanganikaramo @Footnote: ¹ Si. sigham jaha ² cha.Ma. pupphapatavitanikam viya ³ cha.Ma. patto Tiracchanakathaya vitinameti, rattibhagepi thinamiddhabhibhuto sabbarattim supati. Sattha tassa hetuparipakam oloketva ovadam dento:- [84] "sabbarattim supitvana diva sanganike rato kudassu nama dummedho dukkhassantam karissati"ti gatham abhasi. Tattha sabbarattinti sakalam rattim. Supitvanati niddayitva, "rattiya pathamam yamam cankamena nisajjaya avaraniyehi dhammehi cittam parisodheti"tiadina vuttam jagariyam ananuyunjitva kevalam rattiya tisupi yamesu niddam okkamitvati attho. Divati divasam, sakalam divasabhaganti attho. Sanganiketi ^1- tiracchanakathikehi kayadalhibahulapuggalehi sannisajja sanganiko, tasmim rato abhirato tattha avigatacchando ^2- "sanganike rato"ti vutto. "sanganikarato"tipi pali. Kudassu namati kuda nama. Assuti nipatamattam, kasmim nama kaleti attho. Dummedhoti nippanno. Dukkhassati vattadukkhassa. Antanti pariyosanam. Accantameva anuppadam kada nama karissati, edisassa dukkhassantakaranam natthiti attho. "dummedha dukkhassantam karissasi"tipi pali. Evam pana satthara gathaya kathitaya thero samvegajato vipassanam patthapetva na cirasseva arahattam papuni. Tena vuttam apadane ^3- :- "sunando nama namena brahmano mantaparagu ajjhayako yacayogo vajapeyyam ayajayi. Padumuttaro lokavidu aggo karuniko isi @Footnote: ¹ Si. sanganike rato viharo sanganiko ² Si. abhirato avigatacchando @³ khu.apa. 32/26/227 pupphacchadaniyattherapadana Janatam anukampanto ambare cankami tada. Cankamitvana sambuddho sabbannu lokanayako mettaya aphari satte appamane nirupadhi. Vante chetvana pupphani brahmano mantaparagu sabbe sisse samanetva akase ukkhipapayi. Yavata nagaram asi pupphanam chadanam tada buddhassa anubhavena sattaham na vigacchatha. Teneva sukkamulena anubhotvana sampada sabbasave parinnaya tinno loke visattikam. Ekarase kappasate pancatimsasu khattiya ambaramsasanama te ^1- cakkavatti mahabbala. Kilesa jhapita mayham .pe. katam buddhassa sasanan"ti. Arahattam pana patva thero annam byakaronto tameva gatham paccudahasi. Nitattheragathavannana nitthita. --------------

The Pali Atthakatha in Roman Book 32 page 280-282. http://84000.org/tipitaka/atthapali/read_rm.php?B=32&A=6243&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6243&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=221 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5466 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5673 The Pali Tipitaka in Roman Character :- http://84000.org/tipitaka/read/roman_read.php?B=26&A=5673 Contents of The Tipitaka Volume 26 http://84000.org/tipitaka/read/?index_26