AtthaPali Vol.16

Navakanipatavannana 1. Pathamapannasaka 1. Sambodhivagga 1. Sambodhisuttavannana [1] Navakanipatassa pathame sambodhipakkhikananti catumaggasankhatassa sambodhissa pakkhe bhavanam, upakarakananti attho. Paliyam agate nava dhamme sandhayeva ^1- pucchati. Ka upanisati ko upaniso paccayo. ^2- Abhisallikhantiti abhisallekhika. Samathavipassana- cittassa vivarane sappaya uparaka cati cetovivaranasappaya. Appicchatam arabbha pavatta katha appicchakatha. Sesesupi eseva nayo. Asubha bhavetabba ragassa pahanayati ayamattho salilayakopamaya vibhavetabbo:- eko hi puriso asitam gahetva kotito patthaya salikkhette saliyo layati. Athassa vatim bhinditvava gavo pavisimsu. So asitam thapetva yatthim adaya teneva maggena gavo niharitva vatim pakatikam katva punapi asitam adaya saliyo layi. Tattha ^3- salikkhettam viya buddhasasanam datthabbam, salilayako viya yogavacaro, asitam viya panna, layanakalo viya vipassanaya kammakaranakalo, yatthi viya asubhakammatthanam, vati viya samvaro, vatim bhinditva gavinam pavisanam viya sahasa appatisankhaya pamadam arabbha ragassa uppajjanam, asitam thapetva yatthim adaya pavitthamaggeneva gavo niharitva vatim patipakatikam katva puna kotito patthaya salilayanam viya asubhakammatthanena ragam vikkhambhitva pana vipassanaya kammam arabhanakalo. Imamattham sandhaya vuttam "asubha bhavetabba ragassa pahanaya"ti @Footnote: ¹ cha.Ma. sandhayevam ² cha.Ma. upanissayapaccayo ³ cha.Ma. ettha Tattha ragassati pancakamagunikassa ragassa. Mettati mettakammatthanam. Byapadassa pahanayati vuttanayeneva uppannassa kodhassa ^1- pajahanatthaya. Anapanassatiti solasavatthuka anapanassati. Vitakkupacchedayati vuttanayeneva uppannanam vitakkanam upacchedanatthaya. Asmimanasamugghatayati asmiti uppajjanakassa navavidhassa ^2- manassa samugghatatthaya. Anattasanna santhatiti aniccalakkhane ditthe anattalakkhanam ditthameva hoti. Etesu hi tisu lakkhanesu ekasmim ditthe itaradvayam ditthameva hoti. Tena vuttam "aniccasannino bhikkhave ^3- anattasanna santhati"ti. Dittheva dhamme nibbananti dittheyeva dhamme apaccaya- parinibbananca papunatiti. Imasmim sutte vattavivattam kathitam.

The Pali Atthakatha in Roman Book 16 page 285-286. http://84000.org/tipitaka/atthapali/read_rm.php?B=16&A=6405&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=6405&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=164 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=4437 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=4472 The Pali Tipitaka in Roman Character :- http://84000.org/tipitaka/read/roman_read.php?B=22&A=4472 Contents of The Tipitaka Volume 22 http://84000.org/tipitaka/read/?index_22