|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Samanupassanasuttavannana
[47] Pancame pancupadanakkhandhe samanupassanti etesam va annataranti
paripunnagahavasena pancakkhandhe samanupassanti, aparipunnagahavasena etesam
annataram. Iti sayanceva samanupassanati iti ayanca ditthisamanupassana. Asmiti
cassa avigatam 4- hotiti yassa ayam samanupassana atthi, tasmim asmiti
tanhamanaditthisankhatam papancattayam avigatameva hoti. Pancannam indriyanam
avakkanti hotiti tasmim kilesajate sati kammakilesapaccayanam pancannam indriyanam
nibbatti hoti.
Atthi bhikkhave manoti idam kammamanam sandhaya vuttam. Dhammati arammanam
avijjadhatuti javanakkhane avijja. Avijjasamphassajenati avijjasampayuttaphassato
jatena. Apica manoti bhavangakkhane vipakamanodhatu avajjanakkhane kiriyamanodhatu.
@Footnote: 1 Ma. santutthabhavena 2 Si. thamasa
@3 Si. ditthiya thamabhave ditthiparamaso ca hoti 4 Ma. adhigatam
Dhammadayo vuttappakarava. Asmiti pissa hotiti tanhamanaditthivasena asmiti
evampissa hoti. Ito paresu ayamahamasmiti rupadisu kincideva dhammam gahetva "ayam
ahamasmi"ti attaditthivasena vuttam. Bhavissanti sassataditthivasena. Na bhavissanti
ucchedaditthivasena. Rupi bhavissantiadini sabbani sassatameva bhajjanti. Athetthati
atha tenevakarena thitesu etesu indriyesu. Avijja pahiyatiti catusu
saccesu ananabhuta avijja pahiyati. Vijja uppajjatiti arahattamaggavijja
uppajjati. Evamettha asmiti tanhamanaditthiyo. 1- Kammassa pancannanca
indriyanam antare eko sandhi, vipakamanam pancindriyapakkhikam katva pancannanca
indriyanam kammamassa ca antare eko sandhiti. Iti tayo papanca atito addha,
indriyadini paccuppanno addha, tattha kammamanam adim katva anagatassa
paccayo dassitoti. Pancamam.
The Pali Atthakatha in Roman Book 12 page 296-297.
http://84000.org/tipitaka/atthapali/read_rm.php?B=12&A=6520&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=6520&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=16&i=188
เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=2166
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=1953
The Pali Tipitaka in Roman Character :-
http://84000.org/tipitaka/read/roman_read.php?B=16&A=1953
Contents of The Tipitaka Volume 16
http://84000.org/tipitaka/read/?index_16
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]