AtthaPali Vol.33

384. 2. Udayittheragathavannana manussabhutam sambuddhantiadika ^1- ayasmato udayittherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinitva devamanussesu samsaranto imasmim buddhuppade kapilavatthusmim brahmana- kule nibbattitva udayiti laddhanamo vayappatto satthu natisamagame buddhanubhavam disva patiladdhasaddho pabbajitva vipassanaya kammam karonto na cirasseva arahattam papuni. Tayo hi ime udayitthera amaccaputto pubbe agato kaludayi, kovariyaputto laludayi, ayam brahmanaputto mahaudayiti. Svayam ekadivasam satthara setavaranam sabbalankarapatimanditam mahajanena pasamsiyamanam atthuppattim katva nagopamasuttante ^2- desite desanapariyosane attano nanabalanurupam satthu gune anussaritva buddharammanaya pitiya samussahitamanaso "ayam mahajano imam tiracchanagatam nagam pasamsati, na buddhamahanagam. Handaham buddhamahagandhahatthino gune pakate karissami"ti sattharam thomento:- @Footnote: ¹ cha.Ma. manussabhutantiadika ² an.chakka. 22/43/384 dhammikavagga. nagasutta [689] "manussabhutam sambuddham attadantam samahitam iriyamanam brahmapathe cittassupasame ratam. [690] Yam manussa namassanti sabbadhammana paragum devapi tam namassanti iti me arahato sutam. [691] Sabbasamyojanatitam vana nibbanamagatam kamehi nekkhammaratam muttam selava kancanam. [692] Sa ve accaruci nago himavavanne siluccaye sabbesam naganamanam saccanamo anuttaro. [693] Nagam vo kittayissami na hi agum karoti so soraccam avihimsa ca pada nagassa te duve. [694] Sati ca sampajannanca carana nagassa tepare saddhahattho mahanago upekkhasetadantava. [695] Sati giva siro panna vimamsa dhammacintana dhammakucchisamavaso viveko tassa valadhi. [696] So jhayi assasarato ajjhattam susamahito gaccham samahito nago thito nago samahito. [697] Sayam samahito nago nisinnopi samahito sabbattha samvuto nago esa nagassa sampada. [698] Bhunjati anavajjani savajjani na bhunjati ghasamacchadanam laddha sannidhim parivajjayam. [699] Samyojanam anum thulam sabbam chetvana bandhanam yena yeneva gacchati anapekkhova gacchati. [700] Yathapi udake jatam pundarikam pavaddhati nopalippati toyena sucigandham manoramam. [701] Tatheva ca loke jato buddho loke viharati nopalippati lokena toyena padumam yatha. [702] Mahaggini ^1- pajjalito anaharopasammati angaresu ca santesu nibbutoti pavuccati. [703] Atthassayam vinnapani upama vinnuhi desita vinnissanti mahanaga nagam nagena desitam. [704] Vitarago vitadoso vitamoho anasavo sariram vijaham nago parinibbissatyanasavo"ti ima gatha abhasi. Tattha manussabhutanti manussesu bhutam nibbattam, manussattabhavam va pattam. Sattha hi asavakkhayananadhigamena sabbagativimuttopi carimattabhave gahitapatisandhivasena "manusso "tveva vohariyatiti. Gunavasena pana devanam atidevo brahmanam atibrahma. Sambuddhanti sayameva bujjhitabbabuddhavantam. Attadantanti attanayeva dantam. Bhagava hi attanayeva uppaditena ariyamaggena cakkhutopi .pe. Manatopi uttamena damathena danto. Samahitanti atthavidhena samadhina maggaphalasamadhina ca samahitam. Iriyamanam brahmapatheti catubbidhepi brahmaviharapathe brahme va setthe phalasamapattipathe samapajjanavasena pavattamanam. Kincapi bhagava na sabbakalam yathavutte brahmapathe iriyati, tattha iriyasamapattiyam pana tanninnatanca upadaya "iriyamanan"ti vuttam. Cittassupasame ratanti cittassa upasamahetubhute sabbasankharasamathe nibbane abhiratam. Yam manussa namassanti, sabbadhammana paragunti yam sammasambuddham sabbesam khandha- yatanadidhammanam abhinnaparagu, parinnaparagu, pahanaparagu, bhavanaparagu, sacchikiriyaparagu, samapattiparaguti chadha paragum paramukkamsagatasampattim khattiyapanditadayo manussa namassanti, dhammanudhammapatipattiya pujenta kayena vacaya manasa @Footnote: ¹ cha.Ma. mahagini Ca tanninna tappona tappabbhara honti. Devapi tam namassantiti na kevalam manussa eva, athakho aparimanasu lokadhatusu devapi tam namassanti. Iti me arahato sutanti evam maya arakattadihi karanehi arahato bhagavato dhamma- senapatiadinanca "sattha devamanussanan"tiadikam vadantanam santike evam sutanti dasseti. Sabbasamyojanatitanti sabbani dasapi samyojanani yatharaham catuhi maggehi saha vasanaya atikkantam. Vana nibbanamagatanti kilesavanato tabbirahitam nibbanam upagatam. Kamehi nekkhammaratanti sabbaso ^1- kamehi nikkhamitva pabbajjajhanavipassanadibhede nekkhamme abhiratam. Muttam selava kancananti asarato nissatasarasabhavatta selato nissatakancanasadisam. Devapi tam namassantiti yojana. Sa ve accaruci nagoti so ekamsato agum na karoti, punabbhavam na gacchati, nago viya balavati "nago"ti laddhanamo sammasambuddho, accaruciti attano kayaruciya nanaruciya ca sadevakam lokam atikkamitva ruci sobhi. Yatha kim? himavavanne siluccaye, yatha hi himava pabbataraja attano thiragarumahasarabhavadihi gunehi anne pabbate atirocati, evam atirocatiti attho. Sabbesam naganamananti ahinagahatthi- nagapurisanaganam sekhasekhapaccekabuddhanaganam va. Saccanamoti sacceneva naganamo. Tam pana saccanamatam "na hi agum karoti"tiadina sayameva vakkhati. Idani buddhanagam avayavato ca dassento namato tava dassetum "na hi agum karoti so"ti aha. Yasma agum papam sabbena sabbam na karoti, tasma nagoti attho. Soraccanti silam. Avihimsati karuna. Tadubhayam sabbassapi gunarasissa pubbangamanti katva buddhanagassa purimapadabhavo tassa yuttoti aha "pada nagassa te duve"ti. @Footnote: ¹ ka. sabbasopi Aparapadabhavena vadanto "sati ca sampajannanca, carana nagassa tepare"ti aha. "tyapare"ti va patho. Te aparetveva padavibhago. Anavajjadhammanam adane saddha hattho etassati saddhahattho. Suparisuddhavedana nanappabheda upekkha setadanta te etassa atthiti upekkhasetadantava. Uttamangam panna, tassa adhitthanam satiti aha "sati giva siro panna"ti. Vimamsa dhammacintanati yatha khaditabbakhaditabbassa sondaya paramasanam ghayananca hatthinagassa vimamsa nama hoti, evam buddhanagassa kusaladidhammacintana vimamsa. Sama vasanti etthati samavaso, bhajanam, kucchi eva samavaso, abhinnasamathanam adhanabhavato samathavipassanasankhato dhammo kucchisamavaso etassati dhamma- kucchisamavaso. Vivekoti upadhiviveko. Tassati buddhanagassa. Valadhi pariyosanangabhavato. Jhayiti arammanupanijjhanena ca jhayanasilo. Assasaratoti paramassasabhute nibbane rato. Ajjhattam susamahitoti visayajjhatte phalasamapattiyam sutthu samahito. Tadidam samadhanam sutthu sabbakalikanti dassetum "gaccham samahito nago"tiadi vuttam. Bhagava hi savasanassa uddhaccassa pahinatta vikkhepabhavato niccam samahitova. Tasma yam yam iriyapatham kappeti, tam tam samahitova kappesiti. Sabbatthati sabbasmim gocare sabbasminca dvare sabbaso pihitavutti. Tenaha "sabbam kayakammam nanapubbangamam nananuparivattan"tiadi. ^1- Esa nagassa sampadati esa "na hi agum karoti so"tiadina "sambuddhan"tiadina eva va yathavutta vakkhamana ca buddhagandhahatthino sampatti gunaparipunna. Bhunjati anavajjaniti sammajivassa ukkamsaparamippattiya bhunjati agarahitabbani, micchajivassa sabbaso savasanananca pahinatta savajjani garahitabbani na bhunjati. Anavajjani bhunjanto ca sannidhim parivajjayam bhunjatiti yojana. @Footnote: ¹ khu. 10/16 nettipali. (cha.Ma.) Samyojananti vattadukkhena saddhim santanam samyojanato vatte osidapanasamattham dasavidhampi samyojanam. Anum thulanti khuddakanceva mahantanca. Sabbam chetvana bandhananti maggananena anavasesam kilesabandhanam chinditva. Yena yenati yena yena disabhagena. Yatha hi udake jatam pundarikam udake pavaddhati nopalippati toyena anupalepa- sabhavatta, tatheva loke jato buddho loke viharati, nopalippati lokena tanhaditthi- manalepabhavatoti yojana. Giniti aggi. Anaharoti anindhano. Atthassayam vinnapaniti satthu gunasankhatassa upameyyatthassa vinnapani pakasani ayam nagupama. Vinnuhiti satthu patividdhacatusaccadhammam parijanantehi, attanam sandhaya vadati. Vinnissantitiadi karanavacanam, yasma nagena maya desitam nagam tathagatagandhahatthim mahanaga khinasava attano visaye thatva vijanissanti, tasma annesam puthujjananam napanattham ayam upama amhehi bhasitati adhippayo. Sariram vijaham nago, parinibbissatyanasavoti bodhimule saupadisesaparinibbanena anasavo sammasambuddhanago idani sariram attabhavam vijahanto khandhaparinibbanena parinibbayissatiti. Evam cuddasahi upamahi mandetva solasahi gathahi catusatthiya padehi satthu gune vannento anupadisesaya nibbanadhatuya desanam nitthapesi. Udayittheragathavannana nitthita. Paramatthadipaniya theragathasamvannanaya solasakanipatassa atthavannana nitthita.

The Pali Atthakatha in Roman Book 33 page 286-291. http://84000.org/tipitaka/atthapali/read_rm.php?B=33&A=6564&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=6564&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=384 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=7327 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=7469 The Pali Tipitaka in Roman Character :- http://84000.org/tipitaka/read/roman_read.php?B=26&A=7469 Contents of The Tipitaka Volume 26 http://84000.org/tipitaka/read/?index_26