AtthaPali Vol.31

135. 15. Setthiputtapetavatthuvannana satthivassasahassaniti idam setthiputtapetavatthu. Tassa ka uppatti? bhagava savatthiyam viharati jetavane. Tena kho pana samayena raja pasenadikosalo alankatappatiyatto hatthikkhandhavaragato mahatiya rajiddhiya mahantena rajanubhavena @Footnote: ¹ Si. saddena vilapantiyo ² Ma. nayena ca nayapatirupakena va Nagaram anusancaranto annatarasmim gehe uparipasade vatapanam vivaritva tam rajavibhutim olokentim rupasampattiya devaccharapatibhagam ekam itthim disva aditthapubbe arammane sahasa samuppannena kilesasamudacarena pariyutthitacitto satipi kularupacaradigunavisesasampanne ^1- antepurajane sabhavalahukassa pana duddamassa cittassa vasena tassam itthiyam patibaddhamanaso hutva pacchasane nisinnassa purisassa "imam vasena tassam itthiyam patibaddhamanaso hutva pacchasane nisinnassa purisassa "imam pasadam imanca itthim upadharehi"ti sannam datva rajageham pavittho, annam sabbam ambasakkharapetavatthumhi agatanayeneva veditabbam. Ayam pana viseso:- idha puriso suriye anatthangateyeva agantva nagaradvare thakite attana anitam arunavannamattikam uppalani ca nagaradvarakavate laggetva nipajjitum jetavanam agamasi. Raja pana sirisayane vasupagato majjhimayame saiti naiti duiti soiti ca imani cattari akkharani mahata kanthena uccaritani viya vissaravasena assosi. Tani kira atite kale savatthivasihi catuhi setthiputtehi bhogamadamattehi yobbanakale paradarikakammavasena bahum apunnam pasavetva aparabhage kalam katva tasseva nagarassa samipe lohakumbhiyam nibbattitva paccamanehi lohakumbhiya mukhavattim patva ekekam gatham vattukamehi uccaritanam tasam gathanam adiakkharani, te pathamakkharameva vatva vedanappatta hutva lohakumbhim otarimsu. Raja pana tam saddam sutva bhitatasito samviggo lomahatthajato tam rattavasesam dukkhena vitinametva vibhataya rattiya purohitam pakkosapetva tam pavattim kathesi. Purohito rajanam bhitatasitam natva labhagiddho "uppanno kho ayam mayham brahmanananca labhuppadanupayo"ti cintetva "maharaja maha vatayam upaddavo uppanno, sabbacatukkam yannam yajahi"ti aha. Raja tassa vacanam ^2- sutva amacce anapesi "sabbacatukkayannassa upakaranani sajjetha"ti. Tam sutva mallika devi @Footnote: ¹ Ma. kulasilarupajatiyadigunavisesasampanne ² Si.,i. pativacanam Rajanam evamaha "kasma maharaja brahmanassa vacanam sutva anekapanavadhahimsanakakiccam ^1- katukamosi, nanu sabbattha appatihatananacaro bhagava pucchitabbo. Yatha ca te bhagava byakarissati, tatha patipajjitabban"ti. Raja tassa vacanam sutva satthu santikam gantva tam pavattim bhagavato arocesi. Bhagava "na maharaja tato nidanam tuyham koci antarayo"ti vatva adito patthaya tesam lohakumbhiniraye nibbattasattanam pavattim kathetva tehi paccekam uccaretum araddhagathayo:- [802] "satthivassasahassani paripunnani sabbaso niraye paccamananam kada anto bhavissati. [803] Natthi anto kuto anto na anto patidissati tatha hi pakatam papam tuyham mayhanca marisa ^2-. [804] Dujjivitamajivimha ye sante na dadamhase santesu deyyadhammesu dipam nakamha attano. [805] Soham nuna ito gantva yonim laddhana manusim vadannu silasampanno kahami kusalam bahun"ti paripunnam katva kathesi. #[802] Tattha satthivassasahassaniti vassanam satthisahassani. Tasmim kira lohakumbhiniraye nibbattasatto adho ogacchanto ^3- timsaya vassasahassehi hetthimatalam papunati, tato uddham uggacchantopi timsaya eva vassasahassehi mukhavattipadesam papunati, taya sannaya so "satthivassasahassani, paripunnani sabbaso"ti gatham vattukamo saiti vatva adhimattavedanappatto hutva adhomukho pati. Bhagava pana tam ranno paripunnam katva kathesi. Esa nayo sesagathasupi. Tattha kada @Footnote: ¹ Ma. anekapanavadham bhimsanakam atekiccham ² Si.,i. mama tuyhanca marisa @³ Si.,i. adho gacchanto Anto bhavissatiti lohakumbhiniraye paccamananam amhakam kada nu kho imassa dukkhassa anto pariyosanam bhavissati. #[803] Tatha hiti yatha tuyham mayanca imassa dukkhassa natthi anto, na anto patidissati, tatha tena pakarena papakam kammam pakatam taya maya cati vibhattim viparinametva vattabbam. #[804] Dujjivitanti vinnuhi garahitabbam jivitam. Ye santeti ye mayam sante vijjamane deyyadhamme. Na dadamhaseti na adamha. Vuttamevattham pakatataram katum "santesu deyyadhammesu, dipam nakamha attano"ti vuttam. #[805] Sohanti so aham. Nunati parivitakke ^1- nipato. Itoti imasma lohakumbhiniraya. Gantvati apagantva. Yonim laddhana manusinti manussayonim manussattabhavam labhitva. Vadannuti pariccagasilo, ^2- yacakanam va vacanannu. Silasampannoti silacarasampanno. Kahami kusalam bahunti pubbe viya pamadam anapajjitva bahum pahutam kusalam punnakammam karissami, upacinissamiti attho. Sattha ima gathayo vatva vittharena dhammam desesi, desanapariyosane mattikarattuppalaharako puriso sotapattiphale patitthahi, raja sanjatasamvego parapariggahe abhijjham pahaya sadarasantuttho ahositi. Setthiputtapetavatthuvannana nitthita. ------------------ @Footnote: ¹ Si.,i. vuttaparivitakke ² Si. pariccagasilo va

The Pali Atthakatha in Roman Book 31 page 300-303. http://84000.org/tipitaka/atthapali/read_rm.php?B=31&A=6665&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=6665&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=135 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4911 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5238 The Pali Tipitaka in Roman Character :- http://84000.org/tipitaka/read/roman_read.php?B=26&A=5238 Contents of The Tipitaka Volume 26 http://84000.org/tipitaka/read/?index_26