Atthakatha Book 11 : PALI ROMAN
Sam.A. (sarattha.1)

                        4. Anandasuttavannana
      [212] Catutthe ragoti ayasma anando mahapunno sambhavito, tam
rajarajamahamattadayo nimantetva antonivesane nisidapenti. Sabbalankara-
patimanditapi itthiyo theram upasankamitva vanditva talapannena vijanti, 1-
upanisiditva panham pucchanti, dhammam sunanti. Tattha ayasmato vangisassa
navapabbajitassa arammanam pariggahitum asakkontassa itthiruparammane rago cittam
anuddhamsesi. 2- So saddhaya pabbajitatta ujujatiko kulaputto "ayam me rago
vaddhitva ditthadhammikasamparayikam attham naseyya"ti cintetva anantaram nisinnova
therassa attanam avikaronto kamaragenatiadimaha.
       Tattha nibbapananti raganibbanakaranam. Vipariyesati vipallasena. Subham
ragupasanhitanti ragatthaniyam ittharammanam.  parato passati aniccato passa. Ma
ca attatoti attato ma passa. Kayagata tyatthuti kayagata te atthu.
Animittanca bhavehiti niccadinampi nimittanam ugghatitatta vipassana animitta
nama, tam bhavehiti vadati. Manabhisamayati manassa dassanabhisamaya ceva
pahanabhisamaya ca. Upasantoti ragadisantataya upasanto. Catuttham.


             The Pali Atthakatha in Roman Book 11 page 258.
http://84000.org/tipitaka/atthapali/read_rm.php?B=11&A=6673&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=11&A=6673&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=15&i=735
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=6082
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=5403
             The Pali Tipitaka in Roman Character :-
http://84000.org/tipitaka/read/roman_read.php?B=15&A=5403
             Contents of The Tipitaka Volume 15
http://84000.org/tipitaka/read/?index_15