Atthakatha Book 26 : PALI ROMAN
U.A. (paramatthadi.)

Pana saha byati pavattati vasatiti va sahabyo, sahatthayi sahavasi va tassa
bhavo sahabyata. Atirocatiti atikkamma abhibhavitva va rocati virocati. Vannenati
rupasampattiya. Yasasati parivarena. So hi asucimakkhikam jajjaram mattikabhajanam
chaddetva anekaratanavicittam pabhassararamsijalavinaddham suddhajambunadabhajanam ganhanto
viya vuttappakaram kalevaram idha nikkhipitva ekacittakkhanena yathavuttam dibbattabhavam
mahata parivarena saddhim patilabhiti.
    Etamattham viditvati etam papanam aparivajjanam adinavam, parivajjane ca
anisamsam sabbakarato viditava tadatthavibhavanam imam udanam udanesi.
    Tassayam sankhepattho:- yatha cakkhuma puriso parakkame kayikaviriye
vijjamane sarire vahante visamani papatadini thanani candabhavena va
visamani hatthiassaahikukkuragorupadini parivajjaye, evam jivalokasmim imasmim
sattaloke pandito sappanno puriso taya sappannataya attano hitam
jananto papani lamakani duccaritani parivajjeyya. Evam hi yathayam suppabuddho
tagarasikhimhi paccekabuddhe papam aparivajjetva mahantam anayabyasanam apajji,
evam na apajjeyyati adhippayo. Yatha suppabuddho kutthi mama dhammadesanam
agamma idani samvegappatto papani parivajjenato ularam visesam adhiganchi,
evam annopi ularam visesadhigamam icchanto papani parivajjeyyati adhippayo.
                       Tatiyasuttavannana nitthita.
                          ------------


             The Pali Atthakatha in Roman Book 26 page 314.
http://84000.org/tipitaka/atthapali/read_rm.php?B=26&A=7026&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=26&A=7026&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=25&i=112
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=2900
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=2981
             The Pali Tipitaka in Roman Character :-
http://84000.org/tipitaka/read/roman_read.php?B=25&A=2981
             Contents of The Tipitaka Volume 25
http://84000.org/tipitaka/read/?index_25