AtthaPali Vol.50

550/138. 8. Lomasakangiyattherapadanavannana ^1- atthamapadane imamhi bhaddake kappetiadikam ^2- ayasmato lomasakangiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto kassapassa bhagavato kale brahmanakule nibbatto saddho pasanno ahosi. Aparo candano nama tassa sahayo casi. Te dvepi satthu santike dhammam sutva pasannamanasa pabbajitva yavajivam silam rakkhitva suparisuddhasila tato cuta devaloke nibbattitva ekam buddhantaram dibbasukham anubhavimsu. Tesu ayam imasmim buddhuppade sakiyakule nibbattitva aparo candano devaputto hutva tavatimsabhavane nibbatti. Atha so sakyakulappasadakena kaludayina aradhitena bhagavata sakyarajunam manamaddanaya katam vessantaradhamma- desanayam ^3- pokkharavassaiddhipatihariyam disva pasannamanaso pabbajitva majjhimanikaye vuttam bhaddekarattasuttantadesanam ^4- sutva arannavasam vasanto bhaddekarattasuttantadesananusasanam saritva tadanusarena nanam pesetva kammatthanam manasi karitva arahattam papuni. [225] Arahattam patva attano pubbakammam saritva sanjatasomanasso pubbacaritapadanam pakasento imamhi bhaddake kappetiadimaha. Tattha kappo @Footnote: ¹ pali. lomasatiYu.... ² i. imamhi bhaddakappamhi. @³ khu.ja. 28/1655-2440/308-385. ⁴ Ma.u. 14/279-88/248-261. Tava catubbidho:- sarakappo varakappo mandakappo bhaddakappoti. Tesu yasmim kappe eko buddho uppajjanti, ayam sarakappo nama. Yasmim dve va tayo va buddha uppajjanti, ayam varakappo nama. Yasmim cattaro buddha uppajjanti, ayam mandakappo nama. Yasmim panca buddha uppajjanti, ayam bhaddakappo nama. Annattha pana:- "sarakappo mandakappo saramandakappo tatha varakappo bhaddakappo kappa pancavidha siyum. Eko dve tayo cattaro panca buddha yathakkamam etesu pancakappesu uppajjanti vinayaka"ti evam panca kappa vutta. Tesu ayam kappo "kakusandho konagamano kassapo gotamo metteyyo"ti pancabuddhapatimanditatta bhaddakappo nama jato. Tasma imasmim bhaddakappamhi kassapo nayako uppajjiti sambandho. Sesam uttanatthamevati. Lomasakangiyattherapadanavannana nitthita. ------------

The Pali Atthakatha in Roman Book 50 page 329-330. http://84000.org/tipitaka/atthapali/read_rm.php?B=50&A=7073&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=7073&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=138 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4009 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4884 The Pali Tipitaka in Roman Character :- http://84000.org/tipitaka/read/roman_read.php?B=32&A=4884 Contents of The Tipitaka Volume 32 http://84000.org/tipitaka/read/?index_32