AtthaPali Vol.36

5. Candabhajatakam candabhanti idam sattha jetavane viharanto sankassanagaradvare therasseva panhassa byakaranam arabbha kathesi. Atite baranasiyam brahmadatte rajjam karente bodhisatto arannayatane kalam karonto antevasikena pucchito candabham suriyabhanti vatva abhassaresu nibbatto. Tapasa jetthantevasikassa na saddahimsu. Bodhisatto agantva akase thito imam gathamaha candabham suriyabhanca yodha pannaya gadhati avitakkena jhanena hoti abhassarupagoti. Tattha candabhanti odatakasinam dasseti. Suriyabhanti pitakasinam. Yodha pannaya gadhatiti yo puggalo idha sattaloke idam kasinadvayam pannaya gadhati arammanam katva anupavisati tattha va patitthahati. Athava. Candabham suriyabhanca yodha pannaya gadhatiti yattakam thanam candabha ca suriyabha ca patthata tattake thane patibhagakasinam vaddhetva tam arammanam katva jhanam nibbatteti ubhayampetam abham pannaya gadhati nama. Tasma Ayamettha atthoyeva. Avitakkena jhanena hoti abhassarupagoti so puggalo tatha katva patiladdhena dutiyena jhanena abhassarabrahmalokupago hotiti. Evam bodhisatto tapase bodhetva jetthantevasikassa gunam kathetva brahmalokameva gato. Sattha imam dhammadesanam aharitva jatakam samodhanesi tada jetthantevasiko sariputto mahabrahma pana ahamevati. Candabhajatakam pancamam. --------

The Pali Atthakatha in Roman Book 36 page 359-360. http://84000.org/tipitaka/atthapali/read_rm.php?B=36&A=7142&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7142&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=135 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=896 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=889 The Pali Tipitaka in Roman Character :- http://84000.org/tipitaka/read/roman_read.php?B=27&A=889 Contents of The Tipitaka Volume 27 http://84000.org/tipitaka/read/?index_27