AtthaPali Vol.11

Natthidaniti sa kira devadhita there balavasineha ahosi, patiggantum nasakkhi. Kalena agantva parivenam sammajjati, mukhodakam dantakattham paniyaparibhojaniyam upatthapeti. Thero anavajjanena paribhunjati. Ekasmim divase therassa jinnacivarassa colakabhikkham carato sankarakute dibbadussam thapetva pakkami. Thero tam disva ukkhipitva olokento dussantam disva "dussametan"ti natva "alam ettavata"ti aggahesi. Tenevassa ^1- civaram nitthasi. Atha dve aggasavaka anuruddhatthero cati tayo jana civaram karimsu. Sattha sucim yojetva adasi. Nitthitacivarassa pindaya carato devata pindapatam samadapesi. Sa kalena ekika, kalena attadutiya therassa santikam agacchati. tada pana attatatiya agantva divatthane theram upasankamitva "mayam manapakayika nama manasa icchiticchitarupam mapema"ti aha. Thero "eta evam vadanti, vimamsissami, sabba nilaka hontu"ti cintesi. Ta therassa manam natva sabbava nilavanna ahesum, evam pitalohitaodatavannati. Tato cintayimsu "thero amhakam dassanam assadeti"ti. Ta samajjam katum araddha, ekapi gayi, ekapi nacci, ekapi accharam pahari. Thero indriyani okkhipi. Tato "na amhakam dassanam thero assadeti"ti natva sineham va santhavam va alabhamana nibbinditva gantumaraddha. Thero tasam gamanabhavam natva "ma punappunam agacchimsu"ti arahattam byakaronto imam gathamaha. Tattha vikkhinoti khino. Jatisamsaroti tattha tattha jatisankhato samsaro. Chattham.

The Pali Atthakatha in Roman Book 11 page 278. http://84000.org/tipitaka/atthapali/read_rm.php?B=11&A=7186&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7186&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=773 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6469 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5758 The Pali Tipitaka in Roman Character :- http://84000.org/tipitaka/read/roman_read.php?B=15&A=5758 Contents of The Tipitaka Volume 15 http://84000.org/tipitaka/read/?index_15