AtthaPali Vol.33

389. 5. Malunkyaputtattheragathavannana ^2- rupam disva sati mutthatiadika ayasmato malunkyaputtassa gatha. Imassa ayasmato vatthu hettha chakkanipate ^3- vuttameva. Ta pana gatha therena arahatte patitthitena natinam dhammadesanavasena bhasita. Idha pana puthujjanakale "sadhu me bhante bhagava sankhittena dhammam desetu"ti yacitena satthara "tam kim mannasi malunkyaputta, ye te cakkhuvinneyya rupa @Footnote: ¹ cha.Ma. thapesiti ² cha.Ma. malukYu.... evamuparipi @³ khu.thera. 26/397-404/331-2 malunkyaputtatheragatha Adittha aditthapubba, na ca passasi, na ca te hoti passeyyanti, atthi te tattha chando va rago va pemam vati. No hetam bhante. Ye te sotavinneyya sadda .pe. Ghanajivhakayamanovinneyya dhamma avinnata avinnatapubba, na ca vijanasi, na ca te hoti vijaneyyanti, atthi te tattha chando va rago va pemam vati. No hetam bhante. Ettha ca te malunkyaputta ditthasutamutavinnatabbesu dhammesu ditthe ditthamattam bhavissati, sute sutamatta, mute mutamattam, vinnate vinnatamattam bhavissati. Yato kho te malunkyaputta ditthasutamutavinnatabbesu dhammesu ditthe ditthamattam, sute sutamattam, mute mutamattam, vinnate vinnatamattam bhavissati, tato tvam malunkyaputta na tena. Yato tvam malunkyaputta na tena, tato tvam malunkyaputta na tattha. Yato tvam malunkyaputta na tattha, tato tvam malunkyaputta nevidha na huram na ubhayamantarena, esevanto dukkhassa"ti ^1- sankhittena dhamme desite tassa dhammassa sadhukam uggahitabhavam pakasentena:- [794] "rupam disva sati muttha piyam nimittam manasikaroto sarattacitto vedeti tanca ajjhosa titthati. [795] Tassa vaddhanti vedana aneka rupasambhava abhijjha ca vihesa ca cittamassupahannati evamacinato dukkham ara nibbana vuccati. [796] Saddam sutva sati muttha piyam nimittam manasikaroto sarattacitto vedeti tanca ajjhosa titthati. [797] Tassa vaddhanti vedana aneka saddasambhava abhijjha ca vihesa ca cittamassupahannati evamacinato dukkham ara nibbana vuccati. @Footnote: ¹ sam.sala. 18/132-3/90-1/malunkyaputtasutta [798] Gandham ghatva sati muttha piyam nimittam manasikaroto sarattacitto vedeti tanca ajjhosa titthati. [799] Tassa vaddhanti vedana aneka gandhasambhava abhijjha ca vihesa ca cittamassupahannati evamacinato dukkham ara nibbana vuccati. [800] Rasam bhotva sati muttha piyam nimittam manasikaroto sarattacitto vedeti tanca ajjhosa titthati. [801] Tassa vaddhanti vedana aneka rasasambhava abhijjha ca vihesa ca cittamassupahannati evamacinato dukkham ara nibbana vuccati. [802] Phassam phussa sati muttha piyam nimittam manasikaroto sarattacitto vedeti tanca ajjhosa titthati. [803] Tassa vaddhanti vedana aneka phassasambhava abhijjha ca vihesa ca cittamassupahannati evamacinato dukkham ara nibbana vuccati. [804] Dhammam natva sati muttha piyam nimittam manasikaroto sarattacitto vedeti tanca ajjhosa titthati. [805] Tassa vaddhanti vedana aneka dhammasambhava abhijjha ca vihesa ca cittamassupahannati evamacinato dukkham ara nibbana vuccati. [806] Na so rajjati rupesu rupam disva patissato virattacitto vedeti tanca najjhosa titthati. [807] Yathassa passato rupam sevato capi ^1- vedanam khiyyati nopaciyyati evam so carati sato evam apacinato dukkham santike nibbana vuccati. @Footnote: ¹ pali. vapi. evamuparipi [808] Na so rajjati saddesu saddam sutva patissato virattacitto vedeti tanca najjhosa titthati. [809] Yathassa sunato saddam sevato capi vedanam khiyyati nopaciyyati evam so carati sato evam apacinato dukkham santike nibbana vuccati. [810] Na so rajjati gandhesu gandham ghatva patissato virattacitto vedeti tanca najjhosa titthati. [811] Yathassa ghayato gandham sevato capi vedanam khiyyati nopaciyyati evam so carati sato evam apacinato dukkham santike nibbana vuccati. [812] Na so rajjati rasesu saram bhotva patissato virattacitto vedeti tanca najjhosa titthati. [813] Yathassa sayato rasam sevato capi vedanam khiyyati nopaciyyati evam so carati sato evam apacinato dukkham santike nibbana vuccati. [814] Na so rajjati phassesu phassam phussa patissato virattacitto vedeti tanca najjhosa titthati. [815] Yathassa phusato phassam sevato capi vedanam khiyyati nopaciyyati evam so carati sato evam apacinato dukkham santike nibbana vuccati. [816] Na so rajjati dhammesu dhammam natva patissato virattacitto vedeti tanca najjhosa titthati. [817] Yathassa vijanato dhammam sevato capi vedanam khiyyati nopaciyyati evam so carati sato evam apacinato dukkham santike nibbana vuccati"ti ima gatha abhasi. Tattha rupam disvati cakkhuvinneyyam rupam cakkhudvarena upalabhitva. Sati muttha, piyam nimittam manasikarototi tasmim rupe ditthamatte eva atthatva subhanimittam manasikaroto subhakaraggahanavasena ayoniso manasikaroto sati muttha hoti. Tatha ca sati sarattacitto vedeti tam ruparammanam ratto giddho gadhito hutva anubhavati assadeti abhinandati. Tathabhuto ca tanca ajjhosa titthatiti tanca ruparammanam ajjhosaya "sukham sukhan"ti abhinivissa gilitva parinitthapetva titthati. Tassa vaddhanti vedana, aneka rupasambhavati tassa evarupassa puggalassa rupasambhava ruparammana sukhadibhedena aneka vedana kilesuppatihetubhuta vaddhanti. Abhijjha ca vihesa ca, cittamassupahannatiti piyarupe sarajjanavasena uppajjamanaya abhijjhaya apiyarupe byapajjanavasena piyarupasseva viparinamannathabhavaya ^1- uppajjamanaya sokadilakkhanaya vihesaya ca assa puggalassa cittam upahannati badhiyati. Evamacinato dukkhanti vuttakarena ^2- tam tam vedanassadavasena bhavabhisankharam acinato vattadukkham pavattati. Tenaha bhagava "vedanapaccaya tanha .pe. Dukkhakkhandhassa samudayo hoti"ti. ^3- Tathabhutassa ara araka dure nibbanam vuccati, tassa tam dullabhanti attho. Saddam sutvatiadigathasupi vuttanayeneva attho veditabbo. Tattha ghatvati ghayitva. Bhotvati sayitva. Phussati phusitva. Dhammam natvati dhammarammanam vijanitva. Evam chadvaragocare sarajjantassa vattam dassetva idani tattha virajjantassa vivattam dassento "na so rajjati rupesu"tiadimaha. Tattha na so rajjati rupesu, rupam disva patissatoti yo puggalo rupam disva apathagatam ruparammanam cakkhudvarikena vinnanasantanena gahetva catusampajannavasena sampajanakaritaya patissato hoti, so ruparammanesu na rajjati ragam na janeti, annadatthu virattacitto @Footnote: ¹ Si. viparinamannathabhava, viparinamannathabhavena? ² Si. vuttappakarena @³ abhi.vi. 35/232,242/163,165 suttantabhajaniya, @sam.nidana.16/1/2 paticcasamuppadasutta Vedeti, ruparammanamhi samudayadito yathabhutam pajananto nibbindati, nibbindanto tam tatthuppannavedananca virattacitto vedeti, tathabhuto ca tanca najjhosa titthatiti tam ruparammanam sammadeva virattacittataya ajjhosaya na titthati "etam mama, esohamasmi, eso me atta"ti tanhamanaditthivasena nabhinivisati. Yathassa passato rupanti assa yogino yatha tattha abhijjhadayo nappavattanti, evam aniccadito rupam passantassa. Sevato capi vedananti tam arabbha uppannam vedanam tamsampayuttadhamme ca gocarasevanaya sevato capi. Khiyyatiti sabbam kilesavattam parikkhayam pariyadanam gacchati. Nopaciyyatiti na upaciyati na acayam gacchati. Evam so carati satoti evam kilesapanayanapatipattiya sato sampajano hutva carati viharati. Evam apacinato dukkhanti vuttanayena apacayagaminiya maggapannaya sakalam vattadukkham apacinantassa. Santike nibbana vuccatiti saupadisesaanupadisesanibbana- dhatusamipe evati vuccati asankhataya dhatuya sacchikatatta. Na so rajjati saddesuti- adisupi iminava nayena attho veditabbo. Evam thero imahi gathahi satthu ovadassa attana upadharitabhavam pavedetva utthayasana sattharam vanditva gato na cirasseva vipassanam vaddhetva arahattam papuniti. Malunkyaputtattheragathavannana nitthita. --------------------

The Pali Atthakatha in Roman Book 33 page 331-336. http://84000.org/tipitaka/atthapali/read_rm.php?B=33&A=7618&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=7618&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=389 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=7569 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=7732 The Pali Tipitaka in Roman Character :- http://84000.org/tipitaka/read/roman_read.php?B=26&A=7732 Contents of The Tipitaka Volume 26 http://84000.org/tipitaka/read/?index_26