|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
252. 5. Mahanamattheragathavannana
esavahiyyase pabbatenati ayasmato mahanamattherassa gatha. Ka
uppatti?
ayampi purimabuddhesu katadhikaro tattha tattha bhave punnani upacinanto
sumedhassa bhagavato kale brahmanakule nibbattitva brahmanavijjasu nipphattim gato
gharavasam pahaya annataraya nadiya tire assamam karetva sambahule brahmane
mante vacento viharati. Athekadivasam bhagava tam anugganhitum tassa assamapadam 1-
upagacchi. So bhagavantam disva pasannacitto asanam pannapetva adasi. Nisinne
bhagavati sumadhuram madhum upanamesi. Tam bhagava paribhunjitva hettha adhimuttatthera-
vatthumhi vuttanayena anagatam byakaritva pakkami. So tena punnakammena devaloke
nibbattitva aparaparam sugatisuyeva parivattento imasmim buddhuppade savatthiyam
brahmanakule nibbattitva mahanamoti laddhanamo vinnutam patto bhagavato santikam
upasankamitva dhammam sutva patiladdhasaddho pabbajitva kammatthanam gahetva nesadake
nama pabbate viharanto kilesapariyutthanam vikkhambhetum asakkonto "kim me imina
sankilitthacittassa jivitena"ti attabhavam nibbindanto uccam 2- pabbatasikharam
abhiruhitva "ito patetva tam maressami"ti attanam param viya niddisanto:-
@Footnote: 1 cha.Ma. asamapadam 2 Ma. upaccakam
[115] "esavahiyyase pabbatena bahukutajasallarikena 1-
nesadakena girina yasassina paricchadena"ti
gatham abhasi.
Tattha esavahiyyaseti eso tvam mahanama avahiyyase parihayasi. Pabbatenati
nivasatthanabhutena imina pabbatena. Bahukutajasallarikenati bahuhi kutajehi inda-
salarukkhehi sallakihi indasalarukkhehi va samannagatena. Nesadakenati evamnamakena.
Girinati selena. Selo hi sandhisankhatehi pabbehi thitatta "pabbato"ti, pasavanadi-
vasena jalassa, sarabhutanam 2- bhesajjadivatthunanca giranato "giri"ti vuccati.
Tadubhayatthasambhavato panettha "pabbatena"ti vatva "girina"ti ca vuttam. Yasassinati
sabbagunehi 3- vissutena pakasena. 4- Paricchadenati nanavidharukkhagacchalatahi samantato
channena, vasanatthanataya va tuyham paricchadabhutena. 5- Ayam hettha adhippayo:-
mahanama yadi kammatthanam vissajjetva vitakkabahulo hosi, evam tvam imina
chayudakasampannena sappayena nivasanatthanabhutena nesadakagirina parihayasi,
idaniham tam 6- ito patetva maressami, tasma na labbha vitakkavasikena bhavitunti.
Evam thero attanam santajjentoyeva vipassanam ussukkapetva arahattam papuni.
Tena vuttam apadane 7- :-
"sindhuya nadiya tire sukato assamo mama
tattha vacemaham sisse itihasam salakkhanam. 8-
Dhammakama vinita te sotukama susasanam
chalange paramippatta sindhukule vasanti te.
Uppatagamane ceva lakkhanesu ca kovida
@Footnote: 1 cha.Ma.,i. bahukutajasallakikena 2 Si. jalasayasarabhutanam 3 Si. pabbatagunehi
@4 Ma. pakarena 5 Ma. paricchedabhutena 6 Si. idani tam aham
@7 khu.apa. 32/333/455 madhudayakattherapadana 8 Si. itihasanca lakkhanam
Uttamattham gavesanta vasanti vipine tada.
Sumedho nama sambuddho loke uppajji tavade
amhakam anukampanto upagacchi vinayako.
Upagatam mahaviram sumedham lokanayakam
tinasantharakam katva lokajetthassadasaham.
Vipinato madhum gayha buddhasetthassadasaham
sambuddho paribhunjitva idam vacanamabravi.
Yo tam adasi madhum me pasanno sehi panibhi
tamaham kittayissami sunatha mama bhasato.
Imina madhudanena tinasantharakena ca
timsakappasahassani devaloke ramissati.
Timsakappasahassamhi okkakakulasambhavo
gotamo nama gottena sattha loke bhavissati.
Tassa dhammesu dayado oraso dhammanimmito
sabbasave parinnaya nibbayissatinasavo.
Devaloka idhagantva matukucchim upagate
madhuvassam pavassittha chadayam madhuna mahim. 1-
Mayi nikkhantamattamhi kucchiya 2- ca suduttara
tatrapi madhuvassam me vassate niccakalikam.
Agara abhinikkhamma pabbajim anagariyam
labhi annassa panassa madhudanassidam phalam.
Sabbakamasamiddhoham bhavitva 3- devamanuse
teneva madhudanena pattomhi asavakkhayam.
@Footnote: 1 Si. samam 2 Si. kumbhiya 3 Si. bhutvana
Vutthamhi deve caturangule tine
sampupphite dharaniruhe sanchanne 1-
sunne ghare mandaparukkhamulake
vasami niccam sukhito anasavo.
Majjhe mahante hine ca bhave sabbe atikkamim
ajja me asava khina natthi dani punabbhavo.
Timsakappasahassamhi yam danamadadim tada
duggatim nabhijanami madhudanassidam phalam.
Kilesa jhapita mayham .pe. katam buddhassa sasanan"ti.
Ayameva ca therassa annabyakaranagatha ahositi.
Mahanamattheragathavannana nitthita.
------------
The Pali Atthakatha in Roman Book 32 page 352-355.
http://84000.org/tipitaka/atthapali/read_rm.php?B=32&A=7843&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=7843&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=26&i=252
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5634
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5809
The Pali Tipitaka in Roman Character :-
http://84000.org/tipitaka/read/roman_read.php?B=26&A=5809
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]