AtthaPali Vol.15

5. Rohitassasuttavannana [45] Pancame yatthati cakkavalalokassa ekokase bhummam. Na cavati na upapajjatiti idam aparaparam cutipatisandhivasena gahitam. Gamanenati padagamanena. Lokassa antanti sattha sankharalokassa antam sandhaya vadati. Nateyyantiadisu natabbam datthabbam pattabbanti attho. Iti devaputtena cakkavalalokassa anto pucchito, satthara sankharalokassa kathito. So pana "attano panhena saddhim satthu byakaranam sameti"ti sannaya ^1- sampahamsanto acchariyantiadimaha. Dalhadhammoti ^2- dalhadhanu uttamappamanena dhanuna samannagato. Dhanuggahoti dhanuacariyo. Susikkhitoti dvadasa vassani dhanusippam sikkhito. Katahatthoti usabhappamanepi valaggam vijjhitum samatthabhavena katahattho. Katupasanoti katasarakkhepo dassitasipPo. Asanenati kandena. Atipateyyati atikkameyya. Yavata so talacchayam ^3- atikkameyya, tavata kalena ekacakkavalam atikkamamiti attano javasampattim dasseti. Puratthima samudda pacchimoti yatha puratthima samudda pacchimasamuddo dure, evameva dure padavitiharo ahositi vadati. So kira pacinacakkavalamukhavattiyam thito padam pasaretva pacchimacakkavalamukhavattim atikkamati, puna dutiyam padam pasaretva paracakkavalamukhavattim atikkamati. Icchagatanti icchaeva. Annatrevati nippapancatam dasseti. Bhikkhacarakale kiresa nagalatadantakattham khaditva @Footnote: ¹ ka. panhaya ² cha. dalhadhamma ³ cha.Ma. talacchadim Anotattadahe ^1- mukham dhovitva sampatte kale uttarakurumhi pindaya caritva cakkavalamukhavattiyam nisinno bhattakiccam karoti, tattha muhuttam vissamitvava puna javati. Vassatayukoti tada dighayukakalo hoti, ayam pana vassasatavasitthe ayumhi gamanam arabhi. Vassasatajiviti tam vassasatam anantarayena jivanto. Antarayeva kalakatoti cakkavalalokassa antam appatva antarava mato. So pana tattha kalam katvapi agantva imasmimyeva cakkavale nibbatti. Appatvati sankharalokassa antam appatva. Dukkhassati vattadukkhassa. Antakiriyanti pariyantakaranam. Kalevareti attabhave. Sasannamhi ^2- samanaketi sasanne sacittake. Lokanti dukkhasaccam. Lokasamudayanti samudayasaccam. Lokanirodhanti nirodhasaccam. Patipadanti maggasaccam. Iti "naham avuso imani cattari saccani tinakatthadisu pannapemi, imasmim pana catummahabhutike kayasmimyeva pannapemi"ti dasseti. Samitaviti samitapaPo. Nasimsatiti na pattheti. Chattham uttanamevati.

The Pali Atthakatha in Roman Book 15 page 344-345. http://84000.org/tipitaka/atthapali/read_rm.php?B=15&A=7964&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=7964&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=440 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2630 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2583 The Pali Tipitaka in Roman Character :- http://84000.org/tipitaka/read/roman_read.php?B=20&A=2583 Contents of The Tipitaka Volume 20 http://84000.org/tipitaka/read/?index_20