AtthaPali Vol.3

Sammannitva thapitayagubhajakadihi bhajaniyatthanam agatamanussanam apucchitvava upaddhabhago databbo. Asammatehi pana apaloketva databbo. Appamattakavissajjakena civarakammam karontassa sucim dehiti vadato eka digha eka rassati dve suciyo databba. Avibhattam sanghikam bhandanti pucchitabbakiccam natthi. Pipphalikatthikassa eko pipphaliko. Kantaram patipajjitukamassa upahanayugalam. Kayabandhanatthikassa kayabandhanam. Amsabaddhako me jinnoti agatassa amsabaddhako. Parissavanatthikassa parissavanam databbam. Dhammakarakatthikassa dhammakarako. Sace patako na hoti dhammakarako patakena saddhim databbo. Agantukapattam aropessamiti yacantassa kusiya ca addhakusiya ca pahonakam databbam. Mandalam nappahotiti agatassa mandalam ekam databbam. Addhamandalani dve databbani dve mandalani yacantassa na dve databbani. Anuvataparibhandatthikassa ekassa civarassa pahonakam databbam. Sappinavanitadiatthikassa gilanassa ekam bhesajjanalimattam katva tato tatiyakotthaso databbo. Evam tini divasani datva naliya paripunnaya catutthadivasato patthaya sangham pucchitva databbam. Gulapindepi ekadivasam tatiyabhago databbo. Evam Tihi divasehi nitthite pinde tato param sangham pucchitva databbam. Sesam sabbattha uttanamevati. Senasanakkhandhakavannana nitthita. ---------

The Pali Atthakatha in Roman Book 3 page 425-426. http://84000.org/tipitaka/atthapali/read_rm.php?B=3&A=8742&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=8742&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3551 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3640 The Pali Tipitaka in Roman Character :- http://84000.org/tipitaka/read/roman_read.php?B=4&A=3640 Contents of The Tipitaka Volume 4 http://84000.org/tipitaka/read/?index_4