AtthaPali Vol.34

426. 7. Mittatherigathavannana catuddasim pancadasintiadika aparaya mittaya ^1- theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti vipassissa bhagavato kale khattiyakule nibbattitva vinnutam patva bandhumassa ranno antepurika hutva vipassissa bhagavato savikam ekam khinasavattherim disva pasannamanasa hutva tassa hatthato pattam gahetva panitassa khadaniyabhojaniyassa puretva mahagghena satakayugena saddhim adasi. Sa tena punnakammena devamanussesu samsaranti imasmim buddhuppade kapilavatthusmim sakyarajakule nibbattitva vinnutam patva satthu santike dhammam sutva patiladdhasaddha upasika ahosi. Sa aparabhage mahapajapatiya ^2- santike pabbajitva vipassanaya ^3- kammam karonti nacirasseva saha patisambhidahi arahattam papuni. Tena vuttam apadane 4-:- "nagare bandhumatiya bandhuma nama khattiyo tassa ranno aham ^5- bhariya ekajjham carayamaham. ^6- Rahogata nisiditva evam cintesaham tada adaya gamaniyam hi kusalam natthi me katam. @Footnote: ¹ Ma. mettaya ² cha.Ma. mahapajapatigotamiya ³ cha.Ma. katapubbakicca vipassanaya @⁴ khu.apa. 33/46/288 ⁵ cha.Ma. ahum. evamuparipi ⁶ ekaccam vadayamaham (sya) Mahabhitapam katukam ghorarupam sudarunam nirayam nuna gacchami tattha me natthi samsayo. Rajanam upasankamma ^1- idam vacanamabravim ekam me samanam dehi bhojayissami khattiya. Adasi me maharaja samanam bhavitindriyam tassa pattam gahetvana paramannena purayim. ^2- Purayitva paramannam gandhalepam akasaham jalena pidahitvana pitacolena ^3- chadayim. Arammanam mamam etam sarami yavajivitam tattha cittam pasadetva tavatimsam agacchaham. Timsanam devarajunam mahesittamakarayim manasa patthitam mayham nibbatti ca yathicchitam. ^4- Visanam cakkavattinam mahesittamakarayim ocitattava ^5- hutvana samsarami bhavabhave. ^6- Sabbabandhanamuttaham apeta me upadika sabbasavaparikkhina natthi dani punabbhavo. Ekanavutito kappe yam danamadadim tada duggatim nabhijanami pindapatassidam phalam. Kilesa jhapita mayham .pe. Katam buddhassa sasanan"ti. @Footnote: ¹ upagantva (sya) ² tappayim (sya) ³ cha.Ma. vatthayugena ⁴ yathicchakam (sya) @⁵ upacitatta (sya) ⁶ cha.Ma. bhavesvaham Arahattam pana patva attano patipattim paccavekkhitva pitisomanassajata udanavasena:- [31] "catuddasim pancadasim ya ca pakkhassa atthami patihariyapakkhanca atthangasusamagatam. [32] Uposatham upagacchim devakayabhinandini sajja ekena bhattena munda sanghatiparuta devakayam na pattheham vineyya hadaye daran"ti ima dve gatha abhasi. Tattha catuddasim pancadasinti catuddasannam purani catuddasi, pancadasannam purani pancadasi, tam catuddasim pancadasim ca, pakkhassati sambandho. Accantasamyoge cetam upayogavacanam. Ya ca pakkhassa atthami, tancati yojana. Patihariyapakkhancati pariharanakapakkhanca catuddasipancadasiatthaminam yathakkamam adito antato va pavesaniggamavasena uposathasilassa pariharitabbapakkhanca terasipatipadasattaminavamisu cati attho. Atthangasusamagatanti panatipata veramaniadihi atthahi angehi sutthu samannagatam. Uposatham upagacchinti upavasam upagamim, upavasinti attho. Yam sandhaya vuttam:- "panam na hane na cadinnamadiye musa na bhase na ca majjapo siya abrahmacariya virameyya methuna rattim na bhunjeyya vikalabhojanam. Malam na dhare na ca gandhamacare mance chamayamva sayetha santhate Etam hi atthangikamahuposatham buddhena dukkhantaguna pakasitan"ti. ^1- Devakayabhinandiniti tatrupapattiakankhavasena catumaharajikadim devakayam abhipatthenti uposatham upagacchinti yojana. Sajja ekena bhattenati sa aham ajja imasmimyeva divase ekena bhattabhojanakkhanena. Munda sanghatiparutati munditakesa sanghatiparutasarira ca hutva pabbajitati attho. Devakayam na patthehanti aggamaggassapi ^2- adhigatatta kanci devanikayam aham na patthaye. Tenevaha "vineyya hadaye daran"ti, cittagatam kilesadaratham samucchedavasena vinetvati attho. Idameva cassa annabyakaranam ahosi. Mittatherigathavannana nitthita. --------------------

The Pali Atthakatha in Roman Book 34 page 45-48. http://84000.org/tipitaka/atthapali/read_rm.php?B=34&A=964&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=964&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=426 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9017 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9079 The Pali Tipitaka in Roman Character :- http://84000.org/tipitaka/read/roman_read.php?B=26&A=9079 Contents of The Tipitaka Volume 26 http://84000.org/tipitaka/read/?index_26