|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Mettagusuttavannana
[1056] Pucchami tanti mettagusuttam. Tattha mannami tam vedagum
bhavitattanti "ayam vedagu"ti ca "bhavitatto"ti ca evam tam mannami.
[1057] Apucchasiti ettha ca aiti padapuranamatte nipato, pucchasiccevattho.
Pavakkhami yatha pajananti yatha pajananto acikkhati, evam acikkhissami. 2-
Upadhinidana pabhavanti dukkhati tanhadiupadhinidana jatiadidukkhavisesa pabhavanti.
[1058] Evam upadhinidanato pabhavantesu dukkhesu:- yo ve 3- avidvati
gatha. Tattha pajananti sankhare aniccadivasena jananto. Dukkhassa
jatippabhavanupassiti vattadukkhassa jatikaranam "upadhi"ti anupassanto.
[1059] Sokapariddavancati sokanca paridevanca. Tatha hi te vidito
esa dhammoti yatha yatha satta jananti, tatha tatha pannapanavasena 4-
vidito esa taya 5- dhammoti.
@Footnote: 1 ka. anekasahassanam 2 ka. akkhami 3 ka. ce
@4 ka. nanabaladivasena 5 cha.Ma. ayam patho na dissati
[1060-61] Kittayissami te dhammanti nibbanadhammam nibbanagaminipatipada-
dhammanca te desayissami. Ditthe dhammeti ditthe dukkhadidhamme, imasmimyeva
va attabhave. Anitihanti attapaccakkham. Yam viditvati yam dhammam "sabbe sankhara
anicca"tiadina nayena sammasanto viditva. Tancaham abhinandamiti tam
vuttappakaradhammajotakam tam va vacanam abhipatthayami. 1- Dhammamuttamanti tava 2-
dhammamuttamam abhinandamiti.
[1062] Uddham adho ca tiriyancapi majjheti ettha uddhanti anagataddha
vuccati, adhoti atitaddha, tiriyancapi majjheti paccuppannaddha. Etesu nandinca
nivesananca, panujja vinnananti etesu addhadisu tanhanca ditthinivesananca
abhisankharavinnananca panudehi, panuditva ca bhave na titthe, evam sante
duvidhepi bhave na tittheyya. Evam tava panujjasaddassa panudehiti imasmim
atthavikappe sambandho. Panuditvati etasmim pana atthavikappe bhave na tittheti
ayameva sambandho, etani nandinivesanavinnanani panuditva duvidhepi bhave
na tittheyyati vuttam hoti.
[1063-4] Etani vinodetva bhave atitthanto eso:- evamvihariti
gatha. Tattha idhevati imasmimyeva sasane, imasmimyeva va attabhave. Sukittikam
gotamanupadhikanti ettha anupadhikanti nibbanam, tam sandhaya bhagavantam alapanto
aha "sukittitam gotamanupadhikan"ti.
[1065] Na kevalam dukkhameva pahasi:- te capiti gatha. Tattha
atthitanti sakkaccam, adaram 3- va. Tam tam namassamiti tasma tam namassami.
Sameccati upagantva. Nagati bhagavantam alapanto aha.
@Footnote: 1 ka. vuttappakaram dhammajatam tam va vacanam abhipatthayami 2 cha.Ma.,i. tanca
@3 cha.Ma.,i. sada
[1066] Idani tam bhagava "addha hi pahasi dukkhan"ti evam tena
brahmanena viditopi attanam anupanetvava pahinadukkhena puggalena ovadanto
"yam brahmanan"ti gathamaha. Tassattho:- yam tvam abhijananto "ayam
bahitapapatta brahmano, vedehi gatatta vedagu, kincanabhavena akincano,
kamesu ca bhavesu ca asattatta kamabhave asatto"ti janna janeyyasi,
addha hi so imam ogham atari, tinno ca param akhilo akankho.
[1067] Kinca bhiyyo:- vidva ca yoti 1- gatha. Tattha idhati
imasmim sasane, attabhave va. Visajjati vossajjitva. Sesam sabbattha
pakatameva.
Evam bhagava imampi suttam arahattanikuteneva desesi, desanapariyosane
ca vuttasadiso eva dhammabhisamayo ahositi.
Paramatthajotikaya khuddakatthakathaya
suttanipatatthakathaya
mettagusuttavannana nitthita.
--------------
The Pali Atthakatha in Roman Book 29 page 438-440.
http://84000.org/tipitaka/atthapali/read_rm.php?B=29&A=9861&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=29&A=9861&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=25&i=428
เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=11060
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=11085
The Pali Tipitaka in Roman Character :-
http://84000.org/tipitaka/read/roman_read.php?B=25&A=11085
Contents of The Tipitaka Volume 25
http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]