Atthakatha Book 7 : PALI ROMAN
Ma.A. (papa–ca.1)

Tassa sarabhuto dassaniyo pasadiko attabhavasamiddhiya bimbisaroti vuccati.
Sukhaviharitaroti idam te 1- ranno tisu pasadesu tividhavayehi natakehi saddhim
sampattim anubhavanam sandhaya vadanti. Addhati ekamsena. Sahasa appatisankhati
sahasam katva apaccavekkhitvava yatha ratto ragavasena duttho dosavasena mulho
mohavasena bhasati, evamevam vaca bhasitati dasseti.
     Tattha patipucchissamiti tasmim atthe pucchissami. Yatha vo khameyyati
yatha tumhakam rucceyya. Pahotiti sakkoti.
     Aninjamanoti acalamano. Ekantasukham patisamvediti nirantarasukham patisamvedi.
"aham kho avuso nigantha 2- pahomi .pe. Ekantasukham patisamvedi"ti idam attano
phalasamapattisukham dassento aha. Ettha ca kathapatitthapanattham rajavare satta
adim katva puccha kata. Satta rattindivani nappahotiti hi vutte cha panca
cattariti sukham pucchitum hoti. Buddhavare 3- pana sattativutte puna cha panca
cattariti vuccamanam anacchariyam hoti, tasma ekam adim katva desana kata.
Sesam sabbattha uttanatthamevati.
                    Papancasudaniya majjhimanikayatthakathaya
                    culadukkhakkhandhasuttavannana nitthita.
                        ----------------
@Footnote: 1 cha.Ma. te nigantha     2 cha.Ma. nigantha      3 cha.Ma. suddhavare


             The Pali Atthakatha in Roman Book 7 page 388.
http://84000.org/tipitaka/atthapali/read_rm.php?B=7&A=9922&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=7&A=9922&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=12&i=209
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=12&A=3014
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=12&A=3639
             The Pali Tipitaka in Roman Character :-
http://84000.org/tipitaka/read/roman_read.php?B=12&A=3639
             Contents of The Tipitaka Volume 12
http://84000.org/tipitaka/read/?index_12