AtthaPali Vol.11

6. Sappasuttavaṇṇanā [142] Chaṭṭhe soṇḍikā kilañjanti surākārakānaṃ piṭhapattharaṇakilañjaṃ. ^1- Kosalikā ^2- kaṃsacāṭīti ^3- kosalarañño rathacakkappamāṇā paribhogacāṭi. ^3- Gaḷagaḷāyanteti gajjente. ^4- Kammāragaggariyāti kammāruddhanapanāḷiyā. Dhamamānāyāti bhasmavātena ^5- pūriyamānāya. Iti viditvāti "samaṇo gotamo padhānamanuyutto sukhanisinno, ghaṭṭayissāmi nan"ti vuttappakāraṃ attabhāvaṃ māpetvā padhānabhūmiyaṃ ^6- ito cito ca sañcarantaṃ ^7- vijjulatālokena disvā "ko nukho eso satto"ti āvajjento "māro ayan"ti evaṃ viditvā. Suññagehānīti suññāgārāni. Seyyāti seyyatthāya, ṭhassāmi caṅkamissāmi nisīdissāmi nipajjissāmīti etadatthāya yo suññāgārāni sevatīti attho. So muni attasaññatoti so buddhamuni hatthapādakukkuccābhāvena saññattabhāvo. Vossajja careyya tattha soti so tasmiṃ attabhāve ālayaṃ nikantiṃ vossajjitvā pahāya careyya. Paṭirūpaṃ hi tathāvidhassa tanti tādisassa taṃsaṇṭhitassa buddhamunino taṃ attabhāve nikantiṃ vossajjetvā caraṇaṃ nāma paṭirūpaṃ yuttaṃ anucchavikaṃ. Carakāti sīhabyagghādikā sañcaraṇasattā. Bheravāti saviññāṇakāviññāṇakā bheravā. Tattha saviññāṇakā sīhabyagghādayo, aviññāṇakā rattibhāge khāṇuvammikādayo. Tepi hi tasmiṃ kāle yakkhā viya upaṭṭhahanti, rajjuvalliyādīni ^8- sappā viya upaṭṭhahanti. Tatthāti tesu bheravesu suññāgāragato buddhamuni lomahaṃsamattakaṃpi ^9- na karoti. Idāni aṭṭhānaparikappaṃ dassento nabhaṃ phaleyyātiādimāha. Tattha phaleyyāti kākapadaṃ viya hīrahīraso phaleyya. Caleyyāti pokkharapatte vātāhato udakabindu viya caleyya. Sallampi ce urasi pakappayeyyunti ^10- tiṇhasattisallaṃ cepi urasmiṃ dhāreyyuṃ. ^10- Upadhīsūti khandhūpadhīsu. Tāṇaṃ na karontīti tiṇhasallaṃ ^11- urasmiṃ @Footnote: ¹ cha.Ma., i. piṭṭhapattharaṇakakilañjaṃ ² Ma. kosalakā ³ cha.Ma., i. kaṃsapātīti.....pāti @⁴ cha.Ma. gajjante ⁵ cha.Ma. bhastavātena, Sī. tassā vātena ⁶ cha.Ma.niyāmabhūmiyaṃ @⁷ Sī., i. saṃsarantaṃ ⁸ cha.Ma., i. rajjuvalliyādīni sabbāni @⁹ cha.Ma., i. lomacalanamattakampi ^10-10 cha.Ma. tikhiṇasattisallaṃ cepi urasmiṃ @cārayeyyuṃ, i. tikhiṇā sattisallaṃ... ¹¹ cha.Ma., i. tikhiṇe salle Dhārayamāne ^1- bhayena guyhantarakuṭantarādīni ^2- pavisantā tāṇaṃ karonti nāma. Buddhā pana samucchinnasabbabhayā evarūpaṃ tāṇaṃ na karonti. Chaṭṭhaṃ.

The Pali Atthakatha in Roman Book 11 page 165-166. http://84000.org/tipitaka/atthapali/read_rm.php?B=11&A=4303 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=4303 อ่านอรรถกถาแปลไทย :- http://84000.org/tipitaka/attha/attha.php?b=15&i=431 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3423 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2997 The Pali Tipitaka in Roman Character :- http://84000.org/tipitaka/read/roman_read.php?B=15&A=2997 Contents of The Tipitaka Volume 15 http://84000.org/tipitaka/read/?index_15