|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Nimokkhasuttavannana [2] Idani dutiyasuttato patthaya pathamagatanca uttanatthanca pahaya yam yam apubbamyeva 1- anuttanam, tam tadeva vannayissami. 2- Janasi noti janasi nu. Nimokkhantiadini maggadinam namani. Maggena hi satta kilesabandhanato nimuccanti, tasma maggo sattanam nimokkhoti vutto. Phalakkhane pana te kilesabandhanato pamutta, tasma phalam sattanam pamokkhoti vuccati. 3- Nibbanam patva sattanam sabbadukkham viviccati, tasma nibbanam vivekoti vuttam. Sabbani va etani nibbanasseva namani. Nibbanam hi patva satta sabbadukkhato muccanti 4- pamuccanti viviccanti, tasma tadeva "nimokkho pamokkho viveko"ti vuttam. Janami khvahanti janami kho aham. Avadharanattho khokaro. Aham janamiyeva. Sattanam nimokkhadijananatthameva hi maya samatimsa paramiyo puretva sabbannutananam patividdhanti sihanadam nadati. Buddhasihanadam nama kira etam suttam. Nandibhavaparikkhayati nandimulakassa kammabhavassa parikkhayena. Nandiya ca bhavassa catipi vattum vattati. 5- Tattha hi purimanaye 6- nandibhavena tividhakammabhisankharavasena sankharakkhandho gahito, sannavinnanehi tamsampayutta ca dvekhandha. Tehi pana tihi khandhehi sampayutta vedana tesam gahanena gahita vati anupadinnakanam catunnam arupakkhandhanam appavattivasena saupadisesanibbanam kathitam hoti. Vedananam nirodha upasamati upadinnakavedananam 7- nirodhena ca upasamena ca. Tattha vedanaggahanena 8- tamsampayutta tayo khandha gahitava honti, tesam vattharammanavasena rupakkhandhopi. Evam imesam upadinnakanam pancannam khandhanam appavattivasena anupadisesanibbanam kathitam hoti. Dutiyanaye pana nandiggahanena sankharakkhandho gahito, bhavaggahanena upapattibhavasankhato rupakkhandho, sannadihi @Footnote: 1 cha.Ma. ayam patho na dissati 2 cha.Ma. vannayissama 3 cha.Ma. vuttam @4 cha.Ma. nimuccanti 5 cha.Ma. vattunti patho na dissati 6 Si. purimanayena @7 cha.Ma. upadinnakavedananam. evamuparipi. 8 cha.Ma. vedanagahanena--------------------------------------------------------------------------------------------- page21.
Sarupeneva tayo khandha. Evam imesam pancannam khandhanam appavattivasena nibbanam kathitam hotiti veditabbam. Imameva ca nayam catunikayikaganthikatthero rocesi. 1- Iti nibbanavasena ca 2- bhagava desanam nitthapesiti. Nimokkhasuttavanna nitthita --------------------The Pali Atthakatha in Roman Book 11 page 20-21. http://84000.org/tipitaka/atthapali/read_rm.php?B=11&A=506&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=506&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=4 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=30 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=25 The Pali Tipitaka in Roman Character :- http://84000.org/tipitaka/read/roman_read.php?B=15&A=25 Contents of The Tipitaka Volume 15 http://84000.org/tipitaka/read/?index_15
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]