AtthaPali Vol.11

12. Vangisasuttavannana [220] Dvadasame ayasmati piyavacanam. Vangisoti tassa therassa namam. So kira pubbe padumuttarakale patibhanasampannasavakam disva danam datva patthanam katva kappasatasahassam paramiyo puretva amhakam bhagavato kale sakalajambudipe vadakamataya jambusakham parikkhipitva ^3- ekena paribbajakena saddhim vadam katva vade jayaparajayanubhavena teneva paribbajakena saddhim samvasam kappetva vasamanaya ekissa paribbajikaya kucchimhi nibbatto vayam agamma ^4- matito pancavadasatam, pitito pancati ^4- vadasahassam ugganhitva vicarati. Ekam ca vijjam janati, yam vijjam parijappitva matanam sisam anguliya paharitva "asukatthane nibbatto"ti janati. So anupubbena gamanigamadisu vicaranto pancahi manavasatehi saddhim savatthim anuppatto nagaradvare salayam nisidi. ^5- @Footnote: ¹ ka. yasenati ² ka. vitamalova... ³ cha.Ma. pariharitva @^4-4 cha.Ma. matito pancavadasatani, pitito pancavadasataniti ⁵ cha.Ma. nisidati

--------------------------------------------------------------------------------------------- page271.

Tada ca nagaravasino purebhattam danam datva pacchabhattam suddhuttarasanga gandhamaladihattha dhammassavanaya viharam gacchanti. Manavo disva "kaham gacchatha"ti pucchi. Te "dasabalassa santike ^1- dhammassavanaya"ti ahamsu. Sopi saparivaro tehi saddhim gantva patisantharam katva ekamantam atthasi. Atha nam bhagava aha "vangisa bhaddakam kira sippam janasi"ti. "bho gotama aham bahusippam janami, tumhe kataram sandhaya vadatha"ti. Chavadusakasippanti. ^2- Ama bho gotamati. Athassa bhagava attano anubhavena niraye nibbattassa sisam dassetva "vangisa ayam kaham nibbatto"ti pucchi. So mantam jappitva anguliya paharitva "niraye"ti aha. "sadhu vangisa sukathitan"ti. Devaloke nibbattassa sisam dassesi. Tampi so tatheva byakasi. Athassa khinasavassa sisam dassesi. So punappunam mantam parivattetvapi anguliya pariharitvapi nibbattatthanam na passati. Atha nam bhagava "kilamasi vangisa"ti aha. Ama bho gotamati. Punappunam upadharehiti. Tatha karontopi adisva "tumhe bho gotama janatha"ti aha. Ama vangisa mam nissaya cesa gato, ^3- ahamassa gatim janamiti. Mantena janasi bho gotamati. Ama vangisa ekena manteneva janamiti. Bho gotama mayham mantena imam mantam dethati. Amuliko ^4- vangisa mayham mantoti. Detha bho gotamati. Na sakka mayham santike apabbajitassa datunti. So antevasike amantesi "tata samano gotamo atirekasippam janati, aham imassa santike pabbajitva sippam ganhami, tato sakalajambudipe amhehi bahutaram jananto nama na bhavissati. Tumhe yava aham agacchami, tava anukkanthitva viharatha"ti ^5- te uyyojetva "pabbajetha man"ti aha. Sattha nigrodhakappassa patipadesi. Thero tam attano vasanatthanam netva pabbajesi. So pabbajitva satthu santikam agamma vanditva thito "sippam me ^6- detha"ti yaci. Vangisa tumhe sippam ganhanta alonabhojanathandilaseyyadihi parikammam katva tam ^7- ganhatha, imassapi sippassa @Footnote: ¹ cha.Ma. santikam ² Si., i. chavarupakasippam @³ Si. yam nissaya ceva bhavo, i. mam nissaya esa kato ⁴ i. amulako @⁵ cha.Ma. vicarathati ⁶ cha.Ma. ayam patho na dissati ⁷ cha.Ma. ayam patho na dissati

--------------------------------------------------------------------------------------------- page272.

Parikammam atthi, tam tava karohiti. Sadhu bhanteti. Athassa sattha dvattimsakarakammatthanam acikkhi. So tam anulomapatilomam manasikaronto vipassanam vaddhetva anukkamena arahattam papuni. Vimuttisukham patisamvediti evam arahattam patva vimuttisukham patisamvedento. Kaveyyamattati kaveyyena kabbakaranena matta. Khandhayatanadhatuyoti imani khandhadini pakasento dhammam desesi. Ye niyamagataddasati ye niyamagata ceva niyamaddasa ca. Svagatanti suagamanam. Iddhipattomhiti imina iddhividhinanam gahitam. Cetopariyayakovidoti imina cetopariyananam. Dibbasotam pana avuttampi gahitameva hoti. Evam cha abhinna patto eso mahasavakoti veditabbo. Dvadasamam. Iti vangisasamyuttavannana nitthita. ----------------

The Pali Atthakatha in Roman Book 11 page 270-272. http://84000.org/tipitaka/atthapali/read_rm.php?B=11&A=7003&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7003&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=760 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6363 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5645 The Pali Tipitaka in Roman Character :- http://84000.org/tipitaka/read/roman_read.php?B=15&A=5645 Contents of The Tipitaka Volume 15 http://84000.org/tipitaka/read/?index_15