AtthaPali Vol.11

4. Daliddasuttavannana [260] Catutthe manussadaliddoti manussaadhano. Manussakapanoti manussakarunnatam patto. Manussavarakoti manussalamako. Tatrati tasmim thane, tasmim va atirocane. Ujjhayantiti avajjhayanti lamakato cintenti. Khiyyantiti ^6- pakasenti. ^7- Vipacentiti tattha tattha kathenti vittharenti. Eso kho marisati ettha ayamanupubbikatha:- so kira anuppanne buddhe kasiratthe baranasiraja hutva samussitadhajapatakananalankarehi sutthu alankatam nagaram padakkhinam akasi attano sirisampattiya samakaddhitanettena janakayena samullokiyamano. Tasminca samaye eko paccekabuddho gandhamadanapabbata agamma tasmim nagare pindaya carati santindriyo santamanaso uttamadamathasamannagato. Mahajanopi rajagatam cittikaram pahaya paccekabuddhameva olokesi. Raja "idani mam imasmim janakaye ekopi na olokesi, kim nu kho etan"ti olokento paccekabuddham addasa. Sopi paccekabuddho mahallako hoti pacchimavaye thito. Civaranapissa @Footnote: ¹ cha.Ma. sabbeva ² cha.Ma....vaccharopanapadinam ³ cha.Ma....ropanadini @⁴ cha.Ma. yesam ⁵ su. vi. 2/344,355/312,325 ⁶ i. khiyantiti @⁷ cha.Ma., i, kathenti pakasenti

--------------------------------------------------------------------------------------------- page332.

Jinnani, tato tato suttani galanti. ^1- Ranno satasahassadhikani dve asankheyyani puritaparamim paccekabuddham disva cittappasadamattam va hattham pasaretva vandanamattam va nahosi, so raja "pabbajito manne esa ussuyaya mam na oloketi"ti kujjhitva "kvayam kutthicivarani ^2- paruto"ti nutthuhitva ^3- pakkami. Tassa kammassa vipakena mahaniraye nibbattitva vipakavasesena manussalokam agacchanto rajagahe paramakapanaya itthiya kucchimhi patisandhim ganhi. Gahitakalato patthaya sa itthi kanjikamattam udarapuram nalattha. Tassa kucchigatasseva kannanasa vilina, sankhapalitakutthi hutva matu kucchito nikkhanto. Matapitaro nama dukkarakarika honti, tenassa mata yava kapalam gahetva caritum na sakkoti, tavassa kanjikampi udakampi aharitva adasi. Bhikkhaya caritum samatthakale panassa kapalam hatthe datva "pannayissasi sakena kammena"ti pakkami. Athassa tato patthaya sakalasarirato mamsani chijjitva chijjitva patanti, yusam paggharati, mahavedana vattanti. Yam yam raccham nissaya sayati, sabbarattim maharavena ravati. Tassa karunnaparidevitasaddena sakalavithiyam manussa sabbarattim niddam na labhanti. Tassa tato patthaya sukhasayite pabodhetiti suppabuddhotveva namam udapadi. Athaparena samayena bhagavati rajagaham sampatte nagara sattharam nimantetva nagaramajjhe mahamandapam katva danam adamsu. Suppabuddhopi kutthi gantva danamandapassa avidure nisidi. Nagara buddhappamukham samgham panitena khadaniyabhojaniyena parivisanta tassapi yagubhattam adamsu. Tassa panitabhojanam bhuttassa cittam ekaggam ahosi. Sattha bhattakiccavasane anumodanam katva saccani dipesi, suppabuddho nisinnatthane nisinnova desanavasane ^4- desananusarena nanam pesetva sotapattiphale patitthito. Sattha utthaya viharam gato. Sopi cumbatam ^5- aruyha kapalamadaya dandamolambitva ^6- attano vasanatthanam gacchanto @Footnote: ¹ tika. avalambanti ² Si. kutthi civarani, i. kutthi kutthicivarani @³ Si.,i. nutthubhitva, cha.Ma. nitthubhitva, khu.u. 25/43/162 @⁴ cha.Ma.,i. ayam patho na dissati ⁵ tika. padacumbatam ⁶ cha.Ma., i. dandamolubbha

--------------------------------------------------------------------------------------------- page333.

Vibbhantaya gaviya jivita voropeta ^1- mattikapatim bhinditva suvannapatim patilabhanto viya dutiyacittavarena devaloke nibbatto attano punnam nissaya anne deve atikkamma virocittha, tam karanam dassento sakko devanamindo eso kho marisatiadimaha. Saddhati maggenagata saddha. Silanca yassa kalyananti kalyanasilam nama ariyasavakassa ariyakantasilam vuccati. Tattha kincapi ariyasavakassa ekasilampi akantam nama natthi, imasmim panatthe bhavantarepi appahinam pancasilam adhippetam. Catutkam.

The Pali Atthakatha in Roman Book 11 page 331-333. http://84000.org/tipitaka/atthapali/read_rm.php?B=11&A=8549&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=8549&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=916 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=7464 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6652 The Pali Tipitaka in Roman Character :- http://84000.org/tipitaka/read/roman_read.php?B=15&A=6652 Contents of The Tipitaka Volume 15 http://84000.org/tipitaka/read/?index_15