AtthaPali Vol.15

10. 5. Balavaggavannana [99] Pancamassa pathame anagatam bharam vahatiti "sammajjani padipo ca udakam asanena ca chandaparisuddhi utukkhanam bhikkhuganana ca ovado patimokkham therabhagoti vuccati"ti imam dasavidham therabharam navako hutva therena anajjhittho karonto anagatam bharam vahati nama. Agatam bharam na vahatiti thero samano tameva dasavidham bharam attana va akaronto param va asamadapento agatam bharam vahati nama. Dutiyasuttepi iminava nayena attho veditabbo. [101] Tatiye akappiye kappiyasanniti akappiye sihamamsadimhi "kappiyam idan"ti evamsanni. Kappiye akappiyasanniti kumbhilamamsabilaramamsadimhi kappiye "akappiyam idan"ti evamsanni. Catuttham vuttanayeneva veditabbam. [103] Pancame anapattiya apattisanniti apucchitva bhandakam dhovantassa, pattam pacantassa, kese chindantassa, gamam pavisantassatiadisu anapatti, tattha "apatti ayan"ti evamsanni. Apattiya anapattisanniti tesanneva vatthunam anapucchakarane apatti, tattha "anapatti"ti evamsanni. Chatthepi vuttanayeneva attho veditabbo. Sattamadini uttanatthaneva. [109] Ekadasame asavati kilesa. Na kukkuccayitabbanti samghabhogassa apatthapanam avicaranam na kukkuccayitabbam nama, tam kukkuccayati. Kukkuccayitab- banti tasseva patthapanam vicaranam, tam na kukkuccayati. Dvadasamadini hettha vuttanayeneva veditabbaniti. Balavaggo pancamo. Dutiyapannasako nitthito. -------------

The Pali Atthakatha in Roman Book 15 page 63-64. http://84000.org/tipitaka/atthapali/read_rm.php?B=15&A=1423&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=1423&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=343 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2191 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2169 The Pali Tipitaka in Roman Character :- http://84000.org/tipitaka/read/roman_read.php?B=20&A=2169 Contents of The Tipitaka Volume 20 http://84000.org/tipitaka/read/?index_20