AtthaPali Vol.15

11. Paṃkadhāsuttavaṇṇanā [92] Ekādasame paṃkadhā ^9- nāma kosalānaṃ nigamoti paṃkadhāti evaṃnāmako kosalaraṭṭhe nigamo. Āvāsikoti bhārahāro nave āvāse samuṭṭhāpeti, purāṇe paṭijaggati. Sikkhāpadapaṭisaṃyuttāyāti sikkhāsaṅkhātehi padehi paṭisaṃyuttāya, tīhi sikkhāhi samannāgatāyāti attho. Sandassetīti sammukhe viya katvā ^10- dasseti. @Footnote: ¹ cha.Ma.,i. pharati ² cha.Ma.,i. tisso ³ cha.Ma.ārammaṇavasena @⁴ ka. sekkhamānaṃ ⁵ Sī.,i. saṃsuddhacāraṇanti, cha.Ma. saṃsuddhacāriyanti @⁶ ka. thiraṃ, i. vīraṃ ⁷ ka. khandhathiraāyatanathiravasena thiraṃ, i. khandhavīraṃ dhātuvīraṃ @āyatanavīravasena vīraṃ ⁸ cha.Ma., i. paṭipattiyā ⁹ cha.Ma. saṅkavā. evamuparipi @¹⁰ Ma. sammukhe katvāpi Samādapetīti gaṇhāpeti. Samuttejetīti samussāheti. Sampahaṃsetīti paṭiladdhaguṇehi vaṇṇaṃ kathento vodāpeti. Adhisallekhiteti ativiya sallekhati, ^1- ativiya sallikhitaṃ katvā saṇhaṃ saṇhaṃ kathetīti attho. Accayoti aparādho. Maṃ accagamāti maṃ atikkamma abhibhavitvā pavatto. Ahudeva akkhantīti ahosiyeva anadhivāsanā. Ahu appaccayoti ahosi atuṭṭhākāro. Paṭiggaṇhātūti khamatu. Āyatiṃ saṃvarāyāti anāgate saṃvaratthāya, ^2- puna evarūpassa aparādhassa dosassa khalitassa vā akaraṇatthāyāti attho. Tagghāti ekaṃsena. Yathādhammaṃ paṭikarosīti yathā dhammo ^3- ṭhito, tathā karosi, khamāpesīti vuttaṃ hoti. Taṃ te mayaṃ paṭiggaṇhāmāti taṃ tava aparādhaṃ mayaṃ khamāma. Vuḍḍhi hesā kassapa ariyassa vinayeti esā kassapa buddhassa bhagavato sāsane vuḍḍhi nāma. Katamā? yāyaṃ accayaṃ accayato disvā yathādhammaṃ paṭikaritvā āyatiṃ saṃvarāpajjanā. ^4- Desanaṃ pana puggalādhiṭṭhānaṃ karonto "yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjatī"ti āha. Na sikkhākāmoti tisso sikkhā na kāmeti na paṭṭheti na piheti. Sikkhāsamādānassāti sikkhāparipūraṇassa. Na vaṇṇavādīti guṇaṃ na katheti. Kālenāti yuttappayuttakālena. Sesamettha uttānatthamevāti. Samaṇavaggo catuttho. -------------- @Footnote: ¹ cha.Ma.,i. adhisallikhateti ativiya sallikhati ² i. saṃvaraṇatthāya @³ Sī.,i., Ma. dhamme ⁴ Ma. saṃvaraṃ āpajjati, su.vi. 1/251/213 upāsakavidhikathā

The Pali Atthakatha in Roman Book 15 page 245-246. http://84000.org/tipitaka/atthapali/read_rm.php?B=15&A=5700 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=5700 อ่านอรรถกถาแปลไทย :- http://84000.org/tipitaka/attha/attha.php?b=20&i=531 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6266 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6417 The Pali Tipitaka in Roman Character :- http://84000.org/tipitaka/read/roman_read.php?B=20&A=6417 Contents of The Tipitaka Volume 20 http://84000.org/tipitaka/read/?index_20