Atthakatha Book 15 : PALI ROMAN
An.A. (manoratha.2)

     Kappasaddo panayam abhisaddahanavoharakalapannatticchedanavikappalesasamantabhavadi-
anekattho. Tatha hissa "okappaniyametam bhoto gotamassa, yathatam arahato
sammasambuddhassa"ti 1- evamadisu abhisaddahanam attho. "anujanami bhikkhave pancahi
samanakappehi phalam paribhunjitun"ti 2- evamadisu voharo. "yena sudam niccakappam
viharami"ti evamadisu kalo. "iccayasma kappo"ti 3- evamadisu pannatti.
"alankato kappitakesamassu"ti 4- evamadisu chedanam. "kappati dvangulakappo"ti 5-
evamadisu vikapPo. "atthi kappo nipajjitun"ti 6- evamadisu leso. "kevalakappam
jetavanam 7- obhasetva"ti 8- evamadisu samantabhavo. Idha panassa samantabhavo
atthoti 9- adhippeto. Tasma kevalakappam jetavananti ettha anavasesam samantato
jetavananti attho.
    Obhasetvati abhaya pharitva. Valikayati  10- sanhavalukayam. Na santhati
na patitthati. Olarikanti brahmadevataya hi pathaviyam patitthanakale attabhavo
olariko mapetum vattati pathavi va, tasma  evamaha. Dhammati imina pubbe
uggahitabuddhavacanam dasseti. Nappavattino ahesunti  sajjhayamulhakavacaya 11-
parihina 12- ahesum. Appativanoti anivatto anukkanthito.
     Dassanassati cakkhuvinnanena dassanassa. Upatthanassati catuhi paccayehi
upatthanassa. Adhisilanti dasavidham silam. Tanhi pancasilam upadaya adhisilanti
vuccati. Aviham gatoti avihabrahmaloke nibbattosmiti dasseti.
@Footnote: 1 Ma.mu. 12/387/345 mahasaccakasutta    2 vi.cu. 7/250/7 khuddakavatthukhandhaka
@3 khu.su. 25/1099/544 kappamanavakapanha, khu. cula. 30/372/181
@kappamanavakapanhaniddesa (sya)   4 khu.vimana. 26/1094/121 pathamakundalivimana,
@khu.ja. 28/911/319 vidhurajataka (sya)  5 vi.cu. 7/446/286 sattasatikakkhandhaka
@6 an.atthaka. 23/185(95)/345 yamakavagga (sya)   7 cha.Ma.,i. veluvanam
@8 sam.sa. 15/92/61 candimasatta   9 cha.Ma. attho   10 cha.Ma. valukayati
@11 cha.Ma. sajjhayamulhaka vaca   12 cha.Ma. pahinayeva


             The Pali Atthakatha in Roman Book 15 page 269.
http://84000.org/tipitaka/atthapali/read_rm.php?B=15&A=6237&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=6237&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=20&i=567
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=7337
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=7595
             The Pali Tipitaka in Roman Character :-
http://84000.org/tipitaka/read/roman_read.php?B=20&A=7595
             Contents of The Tipitaka Volume 20
http://84000.org/tipitaka/read/?index_20