AtthaPali Vol.15

7. Puttasuttavannana [87] Sattame samanamacaloti samanaacalo, makaro padasandhikaro, niccalasamanoti attho. Imina sattavidhampi sekham dasseti. Sopi sasane mulajataya saddhaya patitthitatta acalo nama. Samanapundarikoti pundarikasadiso samano. Pundarikam nama unasatapattam saroruham. Imina sukkhavipassakakhinasavam dasseti. So hi jhanabhinnanam abhavena aparipunnagunatta samanapundariko nama hoti. Samanapadumoti padumasadiso samano. Padumam nama paripunnasatapattam saroruham. Imina ubhatobhagavimuttam khinasavam dasseti. So hi jhanabhinnanam bhavena paripunnagunatta samanapadumo nama hoti. Samanesu samanasukhumaloti sabbesupi etesu samanesu sukhumalasamano muducittasariro kayikacetasikadukkharahito ekantasukhi. Etena attananceva attasadise dasseti. Evam matikam nikkhipitva idani patipatiya vibhajantoti kathanca ^1- bhikkhavetiadimaha. Tattha sekhoti sattavidhopi sekho. Patipadoti patipannako. Anuttaram yogakkhemam patthayamano viharatiti arahattam patthayanto viharati. Muddhabhisittassati muddhani abhisittassa, ^2- katabhisekassati attho. Abhisekoti abhisekam katum yutto. Anabhisittoti na tava abhisitto. Macalappattoti ranno khattiyassa muddhabhisittassa @Footnote: ¹ Si. katamo ca ² cha.Ma. muddhavasittassati muddhani avasittassa Puttabhavena ceva puttesu jetthakabhavena ca na tava abhisittabhavena ca abhisekappatti atthaya acalappatto niccalapatto. Makaro nipatamattam. Kayena phusitvati namakayena phusitva. Yacitova bahulam civaram paribhunjatiti "idam bhante paribhunjatha"ti evam dayakehi yacamanehi upanitam civaram bahum paribhunjati, kincideva ayacitam, bakulatthero viya. Pindapatam khadiravanamagge sivalitthero viya. Senasanam atthakanagarasutte ^1- anandatthero viya. Gilanapaccayam pilindavacchatthero viya. Tyassati te assa. Manapenevati manam alliyanakena. Samudacarantiti kattabbakiccani karonti pavattanti va. Upaharam upaharantiti kayikacetasikam upaharam upaharanti upaniyanti. Sannipatikaniti tinnampi sannipatena nibbattani. Utuparinamajaniti utuparinamato atisitaatiunhaututo jatani. Visamapariharajaniti accasanaatitthanadika visamapariharato jatani. Opakkamikaniti vadhabandhanadiupakkamena nibbattani. Kammavipakajaniti vinapi imehi karanehi kevalam pubbekatakammavipakavaseneva jatani. Catunnam jhanananti ettha khinasavanampi buddhanampi kiriyajjhananeva adhippetani. Sesam uttanatthamevati.

The Pali Atthakatha in Roman Book 15 page 364-365. http://84000.org/tipitaka/atthapali/read_rm.php?B=15&A=8410&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=8410&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=482 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3916 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3971 The Pali Tipitaka in Roman Character :- http://84000.org/tipitaka/read/roman_read.php?B=20&A=3971 Contents of The Tipitaka Volume 20 http://84000.org/tipitaka/read/?index_20