AtthaPali Vol.15

7. Pathamatathagataacchariyasuttavannana [127] Sattame patubhavati patubhavena. Kucchim okkamatiti ettha kucchim okkanto hotiti attho. Okkante hi tasmim evam hoti, okkamamane. ^1- Appamanoti vuddhippamano, vipuloti attho. Ularoti tasseva vevacanam. Devanam devanubhavanti ettha devanam appamananubhavo 2-:- nivatthavatthassa pabha dvadasayojanani pharati, tatha sarirassa, tatha vimanassa, tam atikkamitvati attho. Lokantarikati tinnam tinnam cakkavalanam antara ekeko lokantariko hoti, tinnam tinnam sakatacakkanam pattanam va annamannam ahacca thapitanam majjhe okaso viya. So pana lokantarikanirayo parimanato atthayojanasahassappamano hoti. Aghati niccavivata. Asamvutati hetthapi appatittha. Andhakarati tamabhuta. Andhakaratimisati cakkhuvinnanuppattinivaranato andhabhavakaranatimisaya samannagata. Tattha kira cakkhuvinnanam na jayati. Evammahiddhikananti candimasuriya kira ekappahareneva tisu dipesu pannayanti, evammahiddhika. Ekekaya disaya nava nava @Footnote: ¹ cha.Ma. na okkamamane ² cha.Ma. ayamanubhavo

--------------------------------------------------------------------------------------------- page377.

Yojanasatasahassani andhakaram vidhamitva alokam dassenti, evam mahanubhava. Abha nanubhontiti pabha nappahonti. Te kira cakkavalapabbatassa vemajjhena caranti, cakkavalapabbatanca atikkamitva lokantaraniraya. Tasma tesam tattha abha nappahonti. Yepi tattha sattati yepi tasmim lokantaramahaniraye satta uppanna. Kim pana kammam katva tattha uppajjantiti? bhariyam darunam matapitunam dhammikasamana- brahmanananca upari aparadham, annanca divase divase panavadhadisahasikam kammam katva uppajjanti tambapannidipe abhayacoranagacoradayo viya. Tesam attabhavo tigavutiko hoti, vaggulinam viya digha nakha honti. Te rukkhe vagguliyo viya nakhehi cakkavalapabbatapade lagganti. Yada samsappanta annamannassa hatthapasam gata honti, atha "bhakkho no laddho"ti mannamana tattha dhavanta ^1- viparivattitva lokasandharake udake patanti, vate paharantepi madhukaphalani viya chijjitva udake patanti, patitamattava accantakhare udake pitthapindi viya viliyanti. Annepi kira bho santi sattati bho yatha mayam mahadukakham anubhavama, evam annepi kira satta idam dukkham anubhavanatthaya idhupapannati tamdivasam passanti. Ayam pana obhaso ekayagupivanamattampi ^2- na titthati. Yavata niddayitva pabuddho arammanam vibhaveti, tattakam kalam hoti. Dighabhanaka pana "accharasanghatamattameva vijjuobhaso viya niccharitva kim idanti bhanantanamyeva antaradhayati"ti vadanti.

The Pali Atthakatha in Roman Book 15 page 376-377. http://84000.org/tipitaka/atthapali/read_rm.php?B=15&A=8669&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=8669&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=521 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6057 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6203 The Pali Tipitaka in Roman Character :- http://84000.org/tipitaka/read/roman_read.php?B=20&A=6203 Contents of The Tipitaka Volume 20 http://84000.org/tipitaka/read/?index_20