AtthaPali Vol.16

15. 5. Tikandakivagga 1. Avajanatisuttavannana [141] Pancamassa pathame samvasenati ekatovasena. Adeyyamukhoti ^4- adiyanamukho, gahanamukhoti attho. Tamenam datva avajanatiti "ayam dinnam patiggahetumeva janati"ti evam avamannati. Tamenam samvasena avajanatiti appamattake kismincideva @Footnote: ¹ ka. tippananti ² cha.Ma. ayam patho na dissati @³ cha.Ma. apadissatiti ⁴ Si. adiyyamukhoti, Ma. adiyamukhoti Kujjhitva "janamaham taya katakammam, ettakam addhanam aham kim karonto vasim, nanu tuyhameva katakatam vimamsanto"tiadini vatta hoti. Atha itaro "addha koci mayham doso bhavissati"ti kinci patippharitum na sakkoti. Tam khippanneva adhimuccito ^1- hotiti tam vannam va avannam va sighameva saddahati. Saddahanatthena hi adanena esa adiyanamukhoti vutto. ^2- Adhiyamukhoti ^3- paliya pana thapitamukhoti attho. Magge khataavato viya agatagatam udakam vannam va avannam va saddahanavasena sampaticchitum thapitamukhoti vuttam hoti. Ittarasaddhoti parittasaddho. Kusalakusale dhamme na janatitiadisu kusale dhamme "ime kusala"ti na janati, akusale dhamme "ime akusala"ti na janati. Tatha savajje sadosadhamme "ime savajja"ti, anavajje ca niddosadhamme "ime anavajja"ti, hine hinati, panite panitati. Kanhasukkasappatibhageti "ime kanha sukke patibahitva ^4- thitatta sappatibhaga nama, ime ca sukka kanhe patibahitva thitatta sappatibhaga"ti na janati.

The Pali Atthakatha in Roman Book 16 page 54-55. http://84000.org/tipitaka/atthapali/read_rm.php?B=16&A=1219&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1219&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=141 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=3845 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=3860 The Pali Tipitaka in Roman Character :- http://84000.org/tipitaka/read/roman_read.php?B=22&A=3860 Contents of The Tipitaka Volume 22 http://84000.org/tipitaka/read/?index_22