AtthaPali Vol.16

10. Nandamatasuttavannana [53] Dasamam atthuppattivasena desitam. Sattha kira vutthavasso pavaretva dve aggasavake ohaya "dakkhinagiricarikam gamissami"ti nikkhami, raja pasenadikosalo, anathapindiko gahapati, visakha mahaupasika, anne ca bahujana dasabalam @Footnote: ¹ cha.Ma. adhipaccanti ² Ma. nitthanam katani

--------------------------------------------------------------------------------------------- page187.

Nivattetum nasakkhimsu. Anathapindiko gahapati "sattharam nivattetum nasakkhin"ti raho cintayamano nisidi. Atha nam punna nama dasi disva "kinnu kho te sami na pubbe viya indriyani vippasannani"ti pucchi. Ama punne, sattha carikam pakkanto, tamaham nivattetum nasakkhim. Na kho pana sakka janitum puna sigham agaccheyya va na va, tenaham cintayamano nisinnoti. Sacaham dasabalam nivatteyyam, kim me kareyyasiti. Bhujissam tam karissamiti. Sa gantva sattharam vanditva "nivattatha bhante"ti aha. Mama nivattanapaccaya tvam kim karissasiti. Tumhe bhante mama paradhinabhavam janatha, annam kinci katum na sakkomi, saranesu pana patitthaya pancasilani rakkhissamiti. Sadhu sadhu punneti sattha dhamme garavena eka- padasminneva nivatti. Vuttanhetam "dhammagaru bhikkhave tathagato dhammagaravo"ti. ^1- Sattha nivattitva jetavanamahaviharam pavisi. Mahajano punnaya sadhukara- sahassani adasi. Sattha tasmim samagame dhammam desesi, caturasitipanasahassani amatapanam pivimsu. Punnapi setthina anunnata bhikkhuniupassayam gantva pabbaji. Sammasambuddho sariputtamoggallane amantetva "aham yandisam carikaya nikkhanto, tattha na gacchami. Tumhe tumhakam parisaya saddhim tam disam carikam gacchatha"ti vatva uyyojesi. Imissa atthuppattiya ekam samayam ayasma sariputtotiadi vuttam. Tattha velukantakiti velukantakanagaravasini. Tassa kira nagarassa pakaraguttatthaya pakarapariyantena velu ropita, tenassa velukantakanteva namam jatam. Parayananti nibbanasankhatam param ayanato parayananti laddhavoharam dhammam. Sarena bhasatiti sattabhumikassa pasadassa uparimatale susamvihitarakkhatthane nisinna samapattibalena rattibhagam vitinametva samapattito vutthaya "imam tava rattavasesam kataraya ratiya vitinamessami"ti cintetva "dhammaratiya"ti katasannitthana nisinna @Footnote: ¹ an.pancaka. 22/99/138 (sya)

--------------------------------------------------------------------------------------------- page188.

Tini phalani patta ariyasavika addhateyyagathasataparimanam parayanasuttam madhurena sarabhannena bhasati. Assosi khoti akasatthakavimanani pariharitva tassa pasadassa uparibhagagatena maggena naravahanayanam ^1- aruyha gacchamano assosi. Kathapariyosanam agamayamano atthasiti "kim saddo esa bhane"ti pucchitva "nandamataya upasikaya sarabhannasaddo"ti vutte otaritva "idamavoca"ti idam desanapariyosanam olokento aviduratthane akase atthasi. Sadhu bhagini sadhu bhaginiti "sugahita te bhagini dhammadesana sukathita, pasanakacetiye nisiditva solasannam parayanikabrahmananam sammasambuddhena kathitadivase ca ajja ca na kinci antaram passami, majjhe chinnasuvannam viya te satthu kathitena saddhim sadisameva kathitan"ti vatva sadhukaram dadanto evamaha. Ko paneso bhadramukhoti imasmim susamvihatarakkhatthane evam mahantena saddena konamesa bhadramukha laddhamukha, kim nago supanno devo maro brahmati suvanna- pattavannam ^2- vatapanam vivaritva vigatasarada ^3- tini phalani patta ariyasavika vessavanena saddhim kathayamana evamaha. Ahante bhagini bhatati sayam sotapannatta anagamiariyasavikam jetthikam mannamano "bhagini"ti vatva puna tam pathamavaye thitatta attano kanittham, attanam pana navutivassasatasahassayukatta mahallakataram mannamano "bhata"ti aha. Sadhu bhadramukhati bhadramukha sadhu sundaram, svagamanante agamanam, agantum yuttatthaneva ^4- agatoti attho. Idam te hotu atitheyyanti idameva dhammabhananam tava atithipannakaro hotu, na hi te annam ito uttaritaram databbam passamiti adhippayo. Evanca me ^5- bhavissati atitheyyanti evam attano pattidanam yacitva "ayante dhammakathikasakkaro"ti addhaterasani kotthasatani rattasalinam puretva "yavayam upasika carati, ^6- tava ma khayam gamimsu"ti adhitthahitva @Footnote: ¹ ka. narivahanayanam ² Si. suvannavannam, Ma. suvannapakkavannam ³ cha.Ma. vigatasarajja @⁴ cha.Ma. yuttatthanamevasi ⁵ Si. evam me, cha.Ma. evanceva me ⁶ cha.Ma. dharati

--------------------------------------------------------------------------------------------- page189.

Pakkami, yava upasika atthasi, tava kotthanam hetthimatalam nama datthum nasakkhimsu. Tato patthaya "nandamataya kotthagaram viya"ti voharo udapadi. Akatapatarasoti abhuttapataraso. Punnanti pubbacetana ca muncanacetana ca. Punnamahitanti ^1- aparacetana. Sukhaya hotuti sukhatthaya hitatthaya hotu. Evam attano dane vessavanassa pattim adasi. Pakaraneti karane. Okkassa pasayhati akaddhitva abhibhavitva. Yakkhayoninti bhummadevatabhavam. Teneva purimena attabhavena uddassesiti purimasarirasadisameva sariram mapetva alankatapatiyatto sirigabbhe sayanatale attanam dasseti. Upasika patidesitati upasika ahanti evam upasikabhavam desesim. Yavadevati yavaeva. ^2- Sesam sabbattha uttanamavati. Mahayannavaggo pancamo. Pannasako nitthito. -----------

The Pali Atthakatha in Roman Book 16 page 186-189. http://84000.org/tipitaka/atthapali/read_rm.php?B=16&A=4158&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4158&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=50 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1319 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1349 The Pali Tipitaka in Roman Character :- http://84000.org/tipitaka/read/roman_read.php?B=22&A=1349 Contents of The Tipitaka Volume 22 http://84000.org/tipitaka/read/?index_22