บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Purisagatisuttavannana [55] Dutiye purisagatiyoti purisassa nanagatiyo. Anupadaparinibbananti apaccayanibbanam. No cassati atite attabhave nibbattakam kammam no ce abhavissa. No ca me siyati etarahi me ayam attabhavo na siya. Na bhavissatiti etarahi me anagatattabhavanibbattakam kammam na bhavissati. Na me bhavissatiti anagate me attabhavo na bhavissati. Yadatthi yam bhutanti yam atthi yam bhutam paccuppannam khandhapancakam. Tam pajahamiti upekkham patilabhatiti tam tattha chandaragappahanena pajahamiti vipassanupekkham patilabhati. Bhave na rajjatiti atite khandhapancake tanhaditthihi na rajjati. Sambhave na rajjatiti anagatepi tatheva na rajjati, atthuttari padam santanti uttarim santam nibbanapadam nama atthi. Sammappannaya passatiti tam saha vipassanaya maggapannaya samma passati. Na sabbena sabbanti ekaccanam kilesanam appahinatta saccapaticchadakassa tamassa sabbaso aviddhamsitatta na sabbakarena sabbam. Hannamaneti sandasena gahetva mutthikaya kottiyamane. Antaraparinibbayiti upapattisamanantarato patthaya ayuno vemajjham anatikkamitva etthantare kilesaparinibbanena parinibbuto hoti. Anupahacca talanti akasatalam anupahacca na atikkamitva, bhumim appatva akaseyeva nibbayeyyati imahi tihi upamahi tayo antaraparinibbayi dassita. Upahaccaparinibbayiti ayuvemajjham atikkamitva pacchimakotim appatva parinibbuto hoti. Upahacca talanti jalamana gantva akasatalam atikkamitva @Footnote: 1 cha.Ma. anatikkamitva--------------------------------------------------------------------------------------------- page191.
Pathavitale 1- va upahanitva pathaviyam patitamattava nibbayeyya. Asankharena appayogena kilese khepetva parinibbayiti asankharaparinibbayi. Sasankharena sampayogena kilese khepetva parinibbayiti sasankharaparinibbayi. Gacchanti nirarakkham arannam. Dayanti sarakkham abhayatthaya dinnam arannam. Sesamettha uttanatthameva. Imasmim sutte ariyapuggalava kathitati.The Pali Atthakatha in Roman Book 16 page 190-191. http://84000.org/tipitaka/atthapali/read_rm.php?B=16&A=4235&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4235&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=52 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1498 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1541 The Pali Tipitaka in Roman Character :- http://84000.org/tipitaka/read/roman_read.php?B=22&A=1541 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]