AtthaPali Vol.16

3. Nagaropamasuttavannana [67] Tatiye yatoti yada. Paccantimanti ratthapariyante ratthavasane nivittham. Majjhadesanagarassa pana rakkhakiccam natthi, tena tam na gahitam. Nagaraparikkharehi parikkhatanti ^1- nagaralankarehi alankatam. Akaraniyanti akattabbam ajiniyam. ^2- Gambhiranemati gambhiraavata. Sunikhatati sutthu sannisidapita. Tam panetam esikathambham itthakahi va karonti silahi va khadiradihi va sararukkhehi. Tam nagaraguttatthaya karonta bahinagare karonti, alankaratthaya karonta antonagare. Tam itthakamayam karonta mahantam avatam katva cayam cinitva upari atthamsam katva sudhaya limpanti. Yada hatthina dantehi abhihato na calati, tada sulitto nama hoti. Silathambhadayopi atthamsaeva honti. Te sace attha ratana honti, caturatanamattam avate pavisati, caturatanamattam upari hoti, solasaratanavisatiratanesupi eseva nayo. Sabbesanhi upaddham hettha hoti upaddham upari. Te gomuttavanka honti, tena tesam antare padaramayam ^3- katva kammam katum sakka hoti, te pana katacittakamma paggahitaddhajava honti. Parikhati parikkhipitva thitamatika. Anupariyayapathoti anto pakarassa pakarena ^4- saddhim gato mahapatho, yattha thita bahipakare thitehi saddhim yujjhanti. Salakanti saratomaradinissaggiyavudham. Jevanikanti ekatodharadhisesavudham. @Footnote: ¹ Si.,Ma. parikkhittanti ² Si. agamaniyam, Ma. atthapaniyam @³ Si. padaracayam, Ma. suparicayam ⁴ cha.Ma. antopakarena

--------------------------------------------------------------------------------------------- page201.

Hattharohati sabbe ^1- hatthiacariyahatthivejjahatthibandhadayo. ^2- Assarohati sabbepi assacariyaassavejjaassabandhadayo. Rathikati sabbepi rathacariyarathayodharatha- rakkhadayo. Dhanuggahati assasa. Celakati ye yuddhe jayaddhajam gahetva purato gacchanti. Calakati "idha ranno thanam hotu, idha asukamahamattassa"ti evam senabyuhakaraka. Pindadayakati ^3- sahasikamahayodha. Te kira parasenam pavisitva pindapindamiva chetva chetva nayanti, ^4- uppatitva nigacchantiti attho. Ye va sangamamajjhe yodhanam bhattapaniyam gahetva pavisanti, tesampetam namam. Ugga rajaputtati uggatuggata sangamavacara rajaputta. Pakkhandinoti ye "kassa sisam va avudham va aharama"ti vatva "asukassa"ti vutta sangamam pakkhanditva tadeva aharanti, ime pakkhandantiti pakkhandino. Mahanaga viya mahanaga, hatthi- adisupi abhimukham agacchantesu anivattiyayodhanam etam adhivacanam. Surati ekasura, ^5- ye sajalikapi savammikapi samuddam taritum sakkonti. Cammayodhinoti ye cammakancukam va pavisitva saraparittanacammam va gahetva yujjhanti. Dasakaputtati balavasineha gharadasayodha. Dovarikoti dvarapalo. Vasanalepanasampannoti vasanena sabbavivarapaticchadanena sudhalepena sampanno, bahi va khanupakarasankhatena vasanena ghanamatthena ca sudhalepena sampanno punnaghatapantim dassetva katacittakammo paggahitaddhajo. Tinakatthodakanti hatthiassadinam ghasatthaya gehananca chadanatthaya aharitva bahusu thanesu thapitatinanca, gehakaranapacanadinam atthaya aharitva thapitakatthanca, yantehi pavesetva pokkharanisu thapitaudakanca. Sannicitam hotiti patikacceva anekesu thanesu sutthu sannicitam hoti. Abbhantaranam ratiyati antonagaravasinam ratiatthaya. Aparitassayati tasam anapajjanatthaya. Saliyavakanti nanappakara sali ceva yava ca. Tilamuggamasaparannanti tilamuggamasa ca sesaparannanca. @Footnote: ¹ cha.Ma. sabbepi ² su.vi. 1/163/142 ³ cha.Ma. pindadayikati @⁴ Si. dassanti ⁵ Ma. ekantasura, su.vi. 1/163/143

--------------------------------------------------------------------------------------------- page202.

Idani yasma tathagatassa nagare kammam nama natthi, nagarasadisam pana ariyasavakam nagaraparikkharasadise ca sattadhamme caturaharasadisani ca cattari jhanani dassetva ekadasasu thanesu arahattam pakkhipitva desanam nivattessamiti ^1- ayam upama agata, tasma tam desanam pakasetum idam evameva khotiadi araddham. Tattha saddhammehiti sudhammehi. Saddhoti okappanasaddhaya ceva paccakkhasaddhaya ca samannagato. Tattha danasiladinam phalam saddahitva danadipunnakarane saddha okappanasaddha nama. Maggena agatasaddha paccakkhasaddha nama. Pasadasaddhatipi esaeva. Tassa lakkhanadini vibhavetabbani. ^2- "sampakkhandanalakkhana ca maharaja saddha sampasadanalakkhana ca"ti hi vacanato idam saddhaya lakkhanam nama. "tihi bhikkhave thanehi saddho pasanno veditabbo, katamehi tihi. Silavantanam dassanakamo hoti"tiadina ^3- nayena vuttam pana saddhaya nimittam nama. "ko caharo saddhaya, saddhammassavanantissa vacaniyan"ti ^4- ayam panassa aharo nama. "saddhapabbajitassa bhikkhave bhikkhuno ayamanudhammo hoti, yam rupe nibbidabahulo viharissati"ti ^5- ayamassa anudhammo nama. "saddha bandhati patheyyam, siri bhoganamasayo. ^6- Saddha dutiya purisassa hoti. ^7- Saddhaya tarati ogham. ^8- Saddha bijam tapo vutthi. ^9- Saddhahattho mahanago. Upekkhasetadantava"ti- adisu pana suttesu etissa baddhabhattaputadisarikkhataya anekasarasata bhagavata pakasita. Imasmim pana nagaropamasuttante esa acalasuppatitthitataya esikathambhasadisa katva dassita. Saddhesikoti saddham esikathambham katva ariyasavako akusalam pajahatiti imina nayena sabbapadesu yojana katabba. Apicettha hirottappehi tisu dvaresu samvaro @Footnote: ¹ cha.Ma. vinivattessamiti ² cha.Ma. lakkhanadihi vibhago veditabbo @³ an.tika. 20/42/145 tithanasutta ⁴ an. dasaka. 24/61/91 avijjasutta @⁵ vihareyyati, sam.kha. 17/146/144 nibbidabahulasutta @⁶ sam.sa. 15/79/50 patheyyasutta ⁷ sam.sa. 15/36/28 saddhasutta @⁸ sam.sa. 15/246/258 alavakasutta ⁹ khu.su. 25/77/350 kasibharadvajasutta

--------------------------------------------------------------------------------------------- page203.

Sampajjati, so catuparisuddhisilam hoti. Iti imasmim sutte ekadasasu thanesu arahattam pakkhipitva desanaya kutam gahitanti veditabbam.

The Pali Atthakatha in Roman Book 16 page 200-203. http://84000.org/tipitaka/atthapali/read_rm.php?B=16&A=4465&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4465&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=64 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1863 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1930 The Pali Tipitaka in Roman Character :- http://84000.org/tipitaka/read/roman_read.php?B=22&A=1930 Contents of The Tipitaka Volume 22 http://84000.org/tipitaka/read/?index_22