AtthaPali Vol.16

page34.

8. 3. Yodhajivavagga 1. Pathamacetovimuttiphalasuttavannana [71] Tatiyassa pathame yato kho bhikkhaveti hettha vuttanayena vipassanam vaddhetva arahattam pattassa bhikkhuno idani vannabhananattham idam araddham. Tattha yato khoti yada kho. Ukkhittapalighoti avijjapaligham ukkhipitva apanetva thito. Sankinnaparikhoti samsaraparikham sankiritva vinasetva thito. Abbulhesikoti ^1- tanhasankhatam esikathambham abbuyha luncitva thito. Niraggaloti nivaranakavatam ugghatetva thito. Pannaddhajo pannabharoti manaddhajanca khandhabhisankhara- kilesabharanca patetva oharetva ^2- thito. Visamyuttoti vattena visamyutto. Sesam palinayeneva veditabbam. Ettavata bhagavata maggena kilese khepetva nirodhasayanavaragatassa nibbanarammanam phalasamapattim appetva viharato khinasavassa kalo dassito. Yatha hi dve nagarani ekam coranagaram ekam khemanagaram. Atha ekassa mahayodhassa evam bhaveyya "yavimam coranagaram titthati, tava khemanagaram bhayato na muccati, coranagaram anagaram karissami"ti sannaham katva khaggam gahetva coranagaram upasankamitva nagaradvare ussapite esikathambhe khaggena chinditva saddhim dvarabahahi kavatam bhinditva paligham ukkhipitva pakaram bhinditva parikham vikiritva nagarasobhatthaya ussite dhaje patetva nagaram aggina jhapetva khemanagaram pavisitva pasadam aruyha natiganaparivuto surasabhojanam bhunjeyya. Evam coranagaram viya sakkayo, khemanagaram viya nibbanam, mahayodho viya yogavacaro. Tassevam hoti "yava sakkayo vattati, ^3- tava dvattimsakammakaranaatthanavutirogapancavisatimahabhayehi parimuccanam natthi"ti. So mahayodho sannaham viya silasannaham @Footnote: ¹ cha. abbulhesikoti ² cha.Ma. otaretva ³ cha.Ma. sakkayavattam vattati

--------------------------------------------------------------------------------------------- page35.

Katva pannakhaggam gahetva khaggena esikathambhe viya arahattamaggena tanhesikam luncitva so yodho sadvarabahakam nagarakavatam viya pancorambhagiyasamyojanaggalam ugghatetva so yodho paligham viya avijjapaligham ukkhipitva so yodho pakaram bhindanto parikham viya kammabhisankharam bhindanto jatisamsaraparikham pakiritva ^1- so yodho coranagarasobhatthaya ^2- ussapitaddhaje viya manaddhaje patetva sakkayanagaram jhapetva so yodho khemanagare uparipasade subhojanam viya kilesaparinibbananagaram pavisitva amatam nirodharammanam phalasamapattisukham anubhavamano kalam vitimaneti.

The Pali Atthakatha in Roman Book 16 page 34-35. http://84000.org/tipitaka/atthapali/read_rm.php?B=16&A=762&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=762&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=71 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1959 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2006 The Pali Tipitaka in Roman Character :- http://84000.org/tipitaka/read/roman_read.php?B=22&A=2006 Contents of The Tipitaka Volume 22 http://84000.org/tipitaka/read/?index_22